“ქუთაისში 2019 წელი იყო წარმატებული” – ამის შესახებ იმერეთის ტურიზმის ცენტრის დირექტორიმა ტატო ლილუაშვილმა მეგა ტვ”-ს განაცხადა. მისივე თქმით ტურისტების ინტერესი წლების მიხედვით იცვლება. ძირითადი ინტერსი ევროპის ქვეყნებიდან მოდის, რუსეთი კი, რომელიც ტოპ ხუთეულში მესამე ადგილზე იყო, წლევანდელ წელს მეხუთე ადგილზე გადავიდა:
“სრულდება წელი და 11 თვის მონაცემებით იმერეთში და ქუთაისში 2019 წელი იყო წარმატებული, სტატისტიკა გვაძლევს ამის თქმის საშუალებას. წლევანდელ წელს დაახლოებით 12%-იანი ზრდით დასრულდება წელი.
მოგზაურების პირველი ხუთეული კი ასე გამოიყურება: გერმანია, პოლონეთი, დიდი ბრიტანეთი, საფრანგეთი და რუსეთი, თუმცა ამის გამომწვევ მთავარ მიზეზად ვერ დავასახელებთ ივნისის მოვლენების გარემოებებს, როდესაც აიკრძალა რუსეთიდან ფრენები და მიმოსვლა, იმიტომ რომ ქუთაისი და იმერეთი ნაკლებად დამოკიდებული იყო რუსულ ბაზარზე და ძირითადი აქცენტები გადატანილი გვქონდა ევროპის მიმართულებით. ჩენთან რუსი ტურისტები არ შემცირებულან, რა თქმა უნდა მატებაა რუს ტურისტებშიც, მაგრამ უფრო მეტი მატება იყო იმ ევროპის ქვეყნებში, სადაც ჩვენ გვაქვს პირდაპირი ფრენები და გაგვაქვს ჩვენი ქალაქის პრეზენტაცია საერთაშორისო ბაზარზე.” – განაცხადა ტატო ლილუაშვილმა “მეგა ტვ”-თან.
იმერეთის ტურიზმის ცენტრის დირექტორის თქმით იმერეთში და მთლიანად საქართველოში 2019 წელს ყველაზე მეტი მნახველი პრომეთეს მღვიმეს ჰყავდა
“იმერთში და მთლიანად საქართველოში ყველაზე მეტი ვიზიტორი ჰყავდა პრომეთეს მღვიმეს. თუმცა ტენდენცია იცვლება და გაცილებით მზარდი არის ვიზიტორების რაოდენობა ოკაცესა და კინჩხის მიმართულებით.ქუთაისის ტურიზმის ცენტრი, 11 თვის განმავლობაში დაახლოებით 24 000 ვიზიტორს მოემსახურა, რაც არ არის მთლიანად ქალაქში ტურისტების რაოდენობა და წარმოადგენს ქალაქში შემოსული ტურისტების 15-16% -ს. მომავალ წელსაც ვფიქრობთ რომ მზარდი იქნება დინამიკა. თუ ამას გავაკეთებთ ვიტყვით რომ ჩვენი ტურიზმი ვითარდება.” – განაცხადა ტატო ლილუაშვილმა “მეგა ტვ”-თან საუბრისას.
„რა შეიძლება ქუთაისში ნახოთ“ – “რაინეარი” ქუთაისზე სტატიას აქვეყნებს
