ჭიათურაში მოზარდი ტრაგიკულად დაიღუპა. მე-11 კლასელ ქეთი ფერაძეს მეგობარი ემოციური პოსტით ემშვიდობება:
“უბედურ დღეზე გაჩენილი როგორ გიწოდო, როცა ამხელა სიყვარულებს გატანენ საგზლად.
ვერ დაამძიმა შენმა ცოდვამ ეს დედამიწა, ისევ და ისევ ურცხვად მიჰყვება ცხოვრების შარას.
ხვალ, ხელს დაუქნევ ამქვეყნიურ ამბორს, დიდებას, ბევრად მეტი ხარ,
ეს იცოდე, სხვა არაფერი აღარ მჭირდება.
რა უცნაური კანონი აქვს ამ ჩვენ ცხოვრებას, სული გიჟდება, როცა ტკივა, მთლად ველურდება, ამქვეყნიური პარადოქსი არასდროს რჩება, კანონი, ზომაც ერთიანად მკაწვრელი ხდება.
ვიდრე მოთოვს და ამოვარდება ლეშთა წიოკის ხმათა ამბორი მოდი, ჩააქრე ყველა სანთელი და დაიძახე , თქვი და დაბრუნდი.
სული და გული, თითებიც კი დაფლეთილია, პირჯვარს რომ ვიწერ სიმწრის ცრემლები სულ თითებიდან მიმწარდებიან.
ბაბუაწვერას დაემსგავსე, ანდა პეპელას, ქარის დაბერვამ დაარღვია შენი სუნთქვები, ახლა კი ვიცი, ღვთისსამჯავროზე ყველაზე ფერად პეპელად გადაიქცევი.”
“
.
.. საგზლად გამყვება შენი მოუშუშელები ტკივილი..…ჭიათურის №1 საჯარო სკოლა სოციალურ ქსელში, ტრაგიკულად დაღუპული მე-11 კლასელის ქეთი ფერაძის შესახებ წერს და ოჯახს სამძიმარს უცხადებს.
“ქალაქ ჭიათურის N1 საჯარო სკოლის დირექცია, პედაგოგიური საზოგადოება, მოსწავლეები და მათი მშობლები, ღრმა მწუხარებას გამოთქვამენ ამავე სკოლის, მე-11 კლასის მოსწავლის ქეთი ფერაძის ტრაგიკულად გარდაცვალების გამო“, – ნათქვამია სამძიმრის ტექსტში.
