“უფალს ებარებოდეთ ჩვენო ანგელოზებო”-ტრაგედია ხელვაჩაურში

ხელვაჩაურში ავარიას 3 ადამიანი ემსხვერპლა, მათ შორის 2 არასრულწლოვანი – ინფორმაციას აჭარის ტელევიზია ავრცელებს და წერს, რომ შემთხვევა ეწ. მახოს ხიდთან მოხდა – მანქანა ხიდიდან გადავარდა.

გამოცემა წერს, რომ არსებული ინფორმაციით, ავტომობილში სულ 9 ადამიანი იმყოფებოდა, მათგან 6 დაშავებული სხვადასხვა კლინიკაში მკურნალობს, ერთი დაშავებულის მდგომარეობა კრიტიკულია.

ახლობლები გარდაცვლილ პატარებს ემშვიდობებიან:

“როგორ მცხვენია დღევანდელი მზიანი დღის მე რომ გამითენდა. ღმერთო, სად წავიდე? სად დავიმალო? რა ვქნა? ვინ ვანუგეშო? რომელი ერთი გავამხნევო ანდა რა ვუთხრა. რა ვუთხრა დედიკოს, მამიკოს? ბაბუებს და ბებიებს? რა ვუთხრა ბიძიებს თვალებით რომ შველას ითხოვენ. ბაჩო, ჩემო ბრჭყვიალა და ბრდღვიალა დემე. რა ვუთხრა კახის?? კახის რა ვუთხრა ბიჭებო? ეხლაც რომ გელოდება დემე ცეკვაზე ვაგვიანებთო. როგორ ავუსხნა სალიტას, რომ მას საოცრად საყვარელი მემე და ბაჩი აღარ ყავს? რომ შეიძლებოდეს სიცოცხლის ჩუქება უპირობოდ გაჩუქებდით ჩემს სიცოცხლეს ჩემო პატარებო. ღმერთო, მძულს ჩემი თავი, ასეთი უსუსური არასდროს ვყოფილვარ…. ასეთი უუნარო…. მეტი არაფერი დამრჩენია, ვილოცებ თქვენთვის და ვატარებ ამ საოცრად, საოცრად მძიმე ტვირთს იმ იმედით, რომ ანგელოზები თავიანთ ბუდეში გაფრინდნენ.“