“ჩაეშვა მთავარი არხი • Mtavari Arkhi სიგნალი სატესტო რეჟიმში მთელი ქვეყნის მასშტაბით. 9-ში 9 საათზე ვიწყებთ” – რუსთავი ორის ყოფილი გენერალური დირექტორი ნიკა გვარამია ახალი არხის მაუწყებლობის დაწყებას ფეისბუკ გვერდზე აანონსებს.
“მეგა ტვ” პოსტს უცვლელად გთავაზობთ.
“მგონი, ყველასთვის სრულიად ნათელია, რომ მთავარი არხი • Mtavari Arkhi ისევე ჭირდება ახლა ამ ქვეყანას და ანტირუსული წინააღმდეგობის მოძრაობას, როგორც ცას – კიბე, ზღვას – ხიდი და დედამიწას – სამართალი.
ჩვენ ვაპირებთ გავხდეთ არა მარტო მთავარი ტელევიზია, არამედ მთავარი ანტირუსული პლატფორმა, როგორც ვიყავით კიდეც, ოღონდ სხვა სახელით.
დიახ, მთავარი და ამ როლის დათმობას არც ერთი მიმართულებით არ ვაპირებთ. გვაქვს ამის ამბიციაც, შესაძლებლობაც და მორალური უფლებაც” – წერს ნიკა გვარამია თავის ფეისბუკ გვერდზე.
“9 სექტემბერს, 21:00 საათზე, ქვეყნის მთავარი არხი მაუწყებლობას იწყებს” – ვკითხულობთ არხის ოფიციალურ ფეისბუკ გვერდზე.
