თამარ ჩუგოშვილი ჟურნალისტებთან იმ იმედგაცრუებაზე საუბრობს, რომელიც საკონსტიტუციო ცვლილების ჩაგდებამ გამოიწვია. მან რამდენიმე თანამოაზრესთან ერთად უმრავლესობის რიგები დატოვა, თუმცა სამომავლო გეგმებზე ჯერ არ საუბრობს. მან ისიც აღნიშნა, რომ ამ ცვლილებებისადდმი მაღალი მოლოდინი და პარტიის იმიჯი სანდოობის ჯუთხით საერთაშორისო ასპარეზზე მისი პირადი პასუხისმგებლობაა და მდენად იგი მეტად იმედგაცრუებულია, თუმცა გრძნობს, რომ ეს იმედგაცრუება უფრო ფართოა, ვიდრე თანამოაზრეთა წრე:
“მთელი ამ თვეების განმავლობაში პირადად ჩემი პასუხისმგებლობა იყო, როგორც აშშ-ში, ასევე ბრიუსელში, სტრასბურგში, სხვადასხვა დედქალაქებში ჩვენი პარტნიორებისთვის ახსნა და გადაცემა, რომ ჩვენ ასეთი გადაწყვეტილება უკვე მივიღეთ. მე თვითონ შევქმენი ეს ძალიან მაღალი მოლოდინები იმიტომ, რომ პარტიას ეს განცხადება გაკეთებული ჰქონდა. მე თვითონ ვესაუბრებოდი ამ ადამიანებს და ვუქმნიდი მოლოდინებს, რომ საკონსტიტუციო ცვლილებები განხორციელდებოდა და ბუნებრივია, ძალიან გამიჭირდებოდა იმის ახსნა, რატომ ვერ შევძელით ასე თამამად გაცემული პირობის შესრულება. ის , რომ მათი მხრიდან განცხადებები მწვავეა, არ მიკვირს, რადგან ჩვენ ამ დროის განმავლობაში ყველას ვარწმუნებდით და ვამბობდით, რომ საარჩევნო სისტემა შეიცვლებოდა, გიშინდელი კენჭისყრის მიმართ იყო ძალიან დიდი მოლოდინი და შესაბამისად, შედეგებით იმედგაცრუება მხოლოდ მე და ჩემს კოლეგებს არ გვეხება, იმედგაცრუება არის მოდებული ბევრად უფრო ფართოდ”,-განაცხადა ჩუგოშვილმა.
