“თავისუფლება ნიკა გვარამიას” “მედია ყოველთვის მოიგებს”– ამ მოწოდებებით ქუთაისში აქცია გაიმართა.
აქციზე მედიისა და სხვადასხვა სფეროს წარმომადგენლები ნიკა გვარამიას მხარდასაჭერად შეიკრიბნენ.
პროტესტის მონაწილეების თქმით, სოლიდარობას უცხადებენ ნიკა გვარამიას და “მთავარ არხს”.
მათ სასამართლოს გადაწყვეტილება გააპროტესტეს და განაცხადეს, რომ ეს არის თავისუფალი სიტყვის დევნა.
“სამწუხარო რეალობასთან გვაქვს საქმე, მცდელობაა, რომ რუსეთი საქართველოს უკანა ეზო გახდეს. დღეს დამრჩა შთაბეჭდილება, რომ პუტინის საოკუპაციო ხაზმა, “მთავარ არხში” გადმოინაცვლა და პუტინის საამებლად, მედიახელმძღვანელი ნიკა გვარამია დააკავეს”, – აცხადებენ აქციის მონაწილეები.
