ქუთაისის მერიაში კონკურსის „ახალგაზრდული ინიციატივების“ საჯარო წარდგენა გაიმართა. არასამთავრობო და მედია ორგანიზაციებთან შეხვედრას ესწრებოდნენ იმერეთში სახელმწიფო რწმუნებულის მოადგილე იოსებ ხახალეიშვილი, ქუთაისის მერის მოადგილე ირაკლი ქარქაშაძე,ადმინისტრაციული სამსახურის უფროსი პეტრე ადამაძე, საკრებულოს წევრი ნიკოლოზ ჩეჩელაშვილი.
კონკურსის მიზანია ახალგაზრდობის სფეროში ინიციატივების წახალისება, ახალგაზრდობისთვის პოტენციალის რეალიზებასა და უნარების განვითარებაში ხელშეწყობა, საზოგადოებრივ, პოლიტიკურ და კულტურულ ცხოვრებაში მათი აქტიურად ჩართვა.
კონკურსში მონაწილეობის უფლება აქვთ ქუთაისის მუნიციპალიტეტის ტერიტორიაზე მცხოვრებ ფიზიკურ პირებს და აქ რეგისტრირებულ ახალგაზრდულ საკითხებზე მომუშავე ორგანიზაციებს. საკონკურსო პროექტების პრიორიტეტებია: პრიორიტეტი მიენიჭება ახალგაზრდულ პროექტებს შემდეგი მიმართულებით: ა) ჯანსაღი ცხოვრების წესის პოპულარიზაცია; ბ) არაფორმალური განათლების ხელშეწყობა; გ) ახალგაზრდული მოხალისეობრივი მოძრაობის ხელშეწყობა; დ) შეზღუდული შესაძლებლობების მქონე ახალგაზრდების საზოგადოებაში ინტეგრაცია; ე) საგანმანათლებლო, შემეცნებითი და შემოქმედებითი პროექტების წახალისება; ვ) სოციალური მეწარმეობის ხელშეწყობა; ზ) ადგილობრივი თვითმმართველობის განხორცილების პროცესში ახალგაზრდების ჩართულობის მხარდაჭერა. კონკურსში მონაწილეთა ასაკი შეუზღუდავია. პროექტის დასაფინანსებლად, ქუთაისის მერიიდან მოთხოვნილი თანხა არ უნდა აღემატებოდეს 10 000 ლარს, ხოლო პროექტის განხორციელების ვადა – 12 თვეს. კონკურსში მონაწილეთა რეგისტრაცია იწარმოებს 12 აგვისტოდან 14 სექტემბრის 18:00 საათამდე და 1 ოქტომბრიდან 14 ოქტომბრის 18:00 საათამდე, ელექტრონული ფორმით, მისამართზე projects@kutaisi.gov.ge contact@kutaisi.gov.ge , ასევე ქუთაისის მერიაში, მისამართზე: ქუთაისი, რუსთაველის გამზირი #3
, ასევე ქუთაისის მერიაში, მისამართზე: ქუთაისი, რუსთაველის გამზირი #3
