ბათუმში COVID-19-ით ინფიცირებული 3 პაციენტი გამოჯანმრთელდა – ისინი კლინიკა “მედალფა“-ს დღეს დატოვებენ.
აჭარის ჯანდაცვის მინისტრის ინფორმაციით, პაციენტებმა პირველი ტესტი გუშინ გაიარეს და ვირუსზე პასუხი უარყოფითი იყო. დღეს მათ კვლევა განმეორებით ჩაუტარდათ და მეორე ტესტმაც იგივე შედეგი აჩვენა.
გამოჯანმრთელებული პაციენტები 2 კვირის განმავლობაში თვითიზოლაციაში იქნებიან.
კლინიკა “მედალფაში” ამ ეტაპზე 9 ინფიცირებული რჩება, მათგან ერთის მდგომარეობა მძიმეა და მართვით სუნთქვაზე იმყოფება. დანარჩენი პირების ჯანმრთელობის მდგომარეობა დამაკმაყოფილებელია.
ოფიციალურ ვებგევრდზე https://stopcov.ge/-ზე გამოქვეყნებული ინფორმაციის თანახმად, საქართველოში 39 გამოჯანმრთელებული პაციენტია. დადასტურებულია 188 შემთხვევა.
გარდაცვლილია 2 პაციენტი. კარანტინის რეჟიმში ამ ეტაპზე რჩება 5056 მოქალაქე, ხოლო სტაციონარშ მეთვალყურეობის ქვეშ – 386.
