ქუთაისის მერიის პასუხი მეგა ტვ-ის მიერ გამოთხოვილ საჯარო ინფორმაციასთან დაკავშირებით:
ქალაქ ქუთაისის მუნიციპალიტეტის ტერიტორიაზე სულ არის 956 ლიფტი,
დღეის მონაცემებით მოქმედია 925 ლიფტი, გაჩერებულია 31 (მათ შორის სატვირთო
13).
ქალაქ ქუთაისის მუნიციპალიტეტის მერიამ ბოლო სამი წლის განმავლობაში
განახორციელა მაღლივი საცხოვრებელი სახლების ლიფტების რეაბილიტაცია:
ლიფტის რეაბილიტაციის პროგრამებში მონაწილეობის მისაღებად, ბინათმესაკუთრეთა ამხანაგობამ დადგენილი თანადაფინანსების წესის (90/10 %)თანახმად უნდა წარმოადგინონ შემდეგი დოკუმენტები:
განცხადება, რომელიც შეიცავს იმ კონკრეტული პრობლემის არსს, რომლისგადაჭრისკენაც არის მიმართული ამხანაგობის განცხადება;
საპროექტო ორგანიზაციის მიერ მომზადებული საპროექტო-სახარჯთაღრიცხვო დოკუმენტაცია და წარმოდგენილი პროექტის A ტიპის აკრედიტაციის მოწმობის მქონე ინსპექტირების ორგანოს დასკვნა.
აღნიშნული დოკუმენტაციის წარმოდგენის შემთხვევაში განაცხადი კვლავგანიხილება და რიგითობის მიხედვით ხორციელდება საპროექტო-სახარჯთაღრიცხვო დოკუმენტაციით გათვალისწინებული სამუშაოების შესრულება. სარეაბილიტაციო სამუშაოების დასრულების შემდგომ, ელექტრონულ ტენდერში გამარჯვებული შემსრულებელი კომპანია, ხელშეკრულების თანახმად ორი წლის განმავლობაში (საგარანტიო ვადა), უზრუნველყოფს ექსპლუატაციის პროცესში წარმოქმნილი ხარვეზების აღმოფხვრას. აღნიშნული ვადის ამოწურვის შემდეგ საქართველოს მთავრობის 2013 წლის 10 ივლისის N173 და 2013 წლის 31 დეკემბრის N446 დადგენილების შესაბამისად, ლიფტის გამართული ტექნიკური მდგომარეობის შენარჩუნებისათვის უნდა იზრუნოს ბინათმესაკუთრეთა ამხანაგობამ (იხ. საქართველოს კანონი „ბინათმესაკუთრეთა ამხანაგობის შესახებ“).
საქართველოს კანონის „ტექნიკური საფრთხის კონტროლის შესახებ“ თანახმად, ლიფტი წარმოადგენს მომეტებული ტექნიკური საფრთხის შემცველ ობიექტს, შესაბამისად მისი სრულფასოვანი ფუნქციონირების მიზნით (უსაფრთხო მგზავრობის უზრუნველყოფა), აუცილებელია ბინათმესაკუთრეთა ამხანაგობამ ხელშეკრულება გააფორმოს კვალიფიციურ მომსახურე ორგანიზაციასთან (არა ინდივიდებთან რის შესახებაც პერიოდულად წერილობითი სახით ეცნობებოდათ ბმას თავმჯდომარეებს, ასევე ადმინისტრაციულ ერთეულებს), რომელიც უზრუნველყოფს არამარტო მცირე შეკეთებებს, არამედ წესის მიხედვით განახორციელებს ლიფტის პერიოდულ ინსპექტირებას.
ვკითხულობთ მერიის მიერ მოწოდებულ ინფორმაციაში.
საკითხზე ტელეკომპანია მეგა ტვ ერთ კვირაზე მეტი ათანხმებდა ინტერვიუს, რათ პასუხისმგებელი პირთან უშუალო კომუნიკაციით მიგვეღო კითხვებზე პასუხები, თუმცა უშედეგოდ. საბოლოოდ იძულებული გავხდით საჯარო ინფორმაცია გამოგვეთხოვა, თუმცა ამომწურავი პასუხები სამწუხაროდ, ვერც ამ სახით მივიღეთ.
