პარლამენტის წევრს, პოლიტიკური პარტია ,,ქართული ოცნება – დემოკრატიული საქართველოს თავმჯდომარეს,,
ბატონ ირაკლი კობახიძეს
პოლიტიკური პარტია ,,ერთიანი ნაციონალური მოძრაობის,, თავმჯდომარეს ბატონ ნიკა მელიას
მეგობრებო, გილოცავთ ნათლისღების დღესასწაულსა და გისურვებთ მშვიდობას, მეგობრობას, კეთილდღეობასა და ჩვენი სამშობლოს, საქართველოსათვის ნაყოფიერ თანამშრომლობას !
მეგობრებო, ჩვენთან ქუთაისში, თქვენთან შენახვედრი ვარ. ბატონო ირაკლი თქვენ, 2017 წელს ადგილობრივი არჩევნების წინ, პრემიერ კვირიკაშვილთან და თქვენს ვაჟიშვილთან ერთად შეგხვდით, თავისუფლების მოედანზე უსამართლოდ არარსებული ქართული სიტყვის წარმოჩენაზე გესაუბრეთ. მითხარით, რომ იდეა იცით და გაკეთება მომავალ წელს იგეგმებოდა, მაგრამ…. ბატონი ნიკა თქვენ კი რამდენიმე წლის წინ 2 მაისს ქუთაისობას, ქუთაისის ცენტრში, ცენტრალურ ბაღში შადრევნებთან სერგი კაპანაძესთან და თქვენს მეგობრებთან ერთად შეგხვდით, ქუთათურთა ძვირფას დღეს სტუმრობისას.
მეგობრებო, 2021 წელი საინტერესო ცვლილებებით დაიწყო თქვენს პარტიებში, კერძოდ: 1) თქვენ აგირჩიეს თქვენივე პარტიის ლიდერებად. 2) თქვენივე პარტიის წინა ლიდერები ბ-ნ ბიძინა ივანიშვილი და ბ-ნ მიხეილ სააკაშვილი წავიდნენ პოლიტიკიდან, თუმცა ორივე მათგანი თავს თვლიან ქვეყნის სამსახურში, სხვადასხვა პოზიციებიდან. 3) ცხადია, რომ სტაბილური პოლიტიკური მდგომარეობის გარეშე ქვეყნის აღმავლობა არ იქნება. 2021 წელი მიგვანიშნებს, თუ 20+21=41 და 2+0+2+1=5, სახეზე ოცნების-41 და ნაცმოძრაობის-5, ნიშნებია. დაუძლურებული ქვეყანა, მეტწილად თქვენგან მოელის სიკეთის კეთებას. გერბში ტყუილად არ გვიწერია ,,ძალა ერთობაშია,,. ხალხი გაოგნებულია, სულ ვალების აღების რეჟიმში მყოფი ქვეყანა მილიონრების ,,ჩეკვაშია,, რომლებიც ნაძარცვი ქონების დასაცავად პარლამენტშიც ხვდებიან. გაუძლურებული სისტემა ითხოვს შველასა და შეცვლას, დასრულდეს ხელისუფლებების შაბლონური პასუხები: ეს ჩვენი პრეროგატივა, კომპეტენცია თუ პრიორიტეტი არაა !
მეგობრებო, მოგმართავთ თხოვნით, მალე 8 თებერვალს დავითობას, გვესტუმროთ გელათში, დავით აღმაშენებლის საფლავთან, შემდეგ ტორპედოს სტადიონთან ჩემს საავტორო პირველად მსოფლიოში ,,მშვიდობის ბურთის,, მონუმენტთანაც, რაზეც მშვიდობა 67 ენაზე წერია, რომელმაც პარიზის მშვიდობის კედლის რეკორდი მოხსნა (49 ენა), ბოლოს ბაგრატის ტაძართან დასრულდეს ქიშპობა, მოხდეს შერიგება და ქართველი ხალხის წინაშე ერთგულების ფიცის დადება. შემოდგომაზე ადგილობრივთან ერთად ვადამდელი საპარლამენტო, სასურველი ტრადიციადაც იქცეს, რაც ერთგვარი ხსნა იქნება. სურვილისამებრ სასურველია გვესტუმრონ საზოგადოების სხვა წევრებიც.
მეგობრებო, მინდა გაგახაროთ, წელს პარიზში, მშვიდობის კედელი ახალ ადგილზე ახალ ფორმატში გადააქვთ, იქნებ ვესტუმროთ ერთად. წელს მონუმენტის გახსნიდან 21 წელი გადის, ხოლო 17 წელი ჩემი და მეგობრების ერთიანი ბრძოლიდან, რომ მასზე სიტყვა მშვიდობა ქართულ ენაზეც წარმოჩენილიყო. მას 2004-2016 წლებში აქციებით 5-ჯერ ვესტუმრე, საგარეო საქმეთა სამინისტრომ უკვე მაცნობა ფრანგული მხარის თანხმობა, რომ მონუმენტზე ქართული ,,მშვიდობა,, უკვდავ ადგილს დაიმკვიდრებს. წერილებსა თუ პარიზში აქციებზე, აზერბაიჯანული ენის წარმოჩენაზეც ვაჟღერებდი (კავკასიური ენებიდან მხოლოდ სომხურ ენაზე ეწერა), აზერბაიჯანის მთავრობამ მადლობის წერილიც კი მომწერა. მთელი ჩემი ცხოვრება სამშვიდობო თემატიკას მივუძღვენი, ჩემს ავტომობილზე მშვიდობა 22 ენაზე წერია, მასზე და ,,მშვიდობის ბურთზე,, აფხაზურად და ოსურადაც, რომელსაც 3 წელია არ წყალობს საზმაუწყებელი, არც ქ-ნ ინგა გრიგოლია და ბ-ნ ნიკა გვარამია, თბილისიდან არც პოლიტიკოსები და ცენტრალური საინფორმაციოები, რათა მსოფლიოს სიამაყოთ ვაცნობოთ ამ მონუმენტიდან, რომ საქართველო მშვიდობის ქვეყანაა. ამ დროს გაეროს ელჩმა ქ-ნ შერონ ჰამილტონმა კი ,,ხელოვნებისა და კულტურის,, საერთაშორისო ჟურნალში გააშუქა, გაზეთ ,,კვირის პალიტრამ,, კი არა. საქართველოში მადლობა მათ, ვინც ამ თემაზე გვერდით დამიდგა.
მეგობრებო, 5 წელია ვიბრძვი, თბილისის მერიაში 2015 წლიდან კომისიაზე 4-ჯერ გავიდა, უპასუხოდაა პატრიარქის მხარდამჭერი წერილი მერიაში #270, 26-02-2018, რომ სამშობლოს გულში თბილისში თავისუფლების მოედანზე, წმ.გიორგის ქანდაკების გარშემო მწვანე საფარში (ჩვენდა სამარცხვინოდ დღემდე არარსებულია) წარმოჩნდეს ნებისმიერი ქართული ანბანით ქართული სიტყვა, სასურველი მოედნის სახელი ,,თავისუფლება,, მაქვს 2 ძლიერი პროექტი, მანამ კი 4 მწვანე საფარში ,,თავისუფლება, მამული, ენა, სარწმუნოება,, ან თავისუფლება ,,ნუსხურ, ასომთავრულ, მხედრულ და ლათინური ანბანით (FREEDOM,,), ამ სიტყვების წარმოჩენით შეიძლება ჩავატაროთ პერფომანსიც, ამაზე ბევრს გწერდით პარლამენტშიც. წინ დედაენის დღე 14 აპრილია, სამშობლოს გული კი იდეოლოგიურ სიბნელეთშია. ქვეყანა შიგა ფარული და უცხოელი, ფულიანი და გავლენიანი მტრების გარემოცვაშია. ჩვენ ქართული სცენარი, ქართული გულის ლიდერი გვჭირდება, რომელიც დაიმსახურებს ხალხის ნდობას.
ერთი ამბავია ამტყდარი სომხეთ-აზერბაიჯანის-რუსეთის შემოვლითი გზის გახსნაზე, ფუნქციას ვკარგავთო. სხვისი მტრობით ვერ ვისარგებლებთ, მათ შორის ომი რომ არ ყოფილიყო, მაშინ რას ვაკეთებდით ?! დროა ავამოქმედოთ სააქციო საზოგადოებები, დავურუნოთ ხალხს ანაბრებზე დანაზოგი, ანაკლიის პორტსა და ტრანსკავკასიურ მაგისტრალში აქციების სახით, რაზეც ადრე პრესაში ვწერდი, დაიყენეთ გვერდით ბ-ნ დემურ გიორხელიძე და სხვა ნიჭიერი ადამიანები, დროა გადავდოთ გვერდზე პირადი ამბიციები.
,,მშვიდობა-სიმართლე-თავისუფლება,, საქართველოს მთავარი მისაღწევი მიზანი არის !
ველით პასუხს, პატივისცემით ბესიკ ადამია-მშვიდობისა და მეგობრობის
ინტელექტუალური კლუბ ,,LLL,, პრეზიდენტი, პუბლიცისტი ,,მაღვიძარა,,
