15 წლის მარიამ ობოლაშვილი უნგერთში, ბუდაბეშტის მევიოლინეთა საერთაშორისო კონკურსის გამარჯვებული გახდა – ამის შესახებ ინფორმაცია “მეგა ტვ” -ს მევიონის დედამ მოაწოდა.
მარიამ ობოლაშვილმა კონკურსის პირველ ტურში მოცარტის სონატა (სოლ მაჟორი) და ერნესტის ფანტაზია “ოტელო” შეასრულა. მეორე ტურში პაგანინის I კონცერტი და ბახის პარტიტა (მი მაჟორი) დაუკრა. მესამე ტურში კი ჟიურისა და დამსწრე საზოგადოების წინაშე მოცარტის კონცერტით რე მაჟორში ორკესტრთან ერთად, დირიჟორის გარეშე წარსდგა.
მარიამმა კონკურსში მონაწილეობა Yehudi Menuhin-ის სკოლის დაფინანსებით მიიღო და თავის კატეგორიაში პირველი საპრიზო ადგილი მოიპოვა, რაც 900 ევროს ედონობით ჯილდოს მოიცავს.
ბუდაბეშტის მევიოლინეთა საერთაშორისო კონკურსის ჟიურის თავმჯდომარე ლეგენდარული მევიოლინე შლომო მინცი იყო. კონკურსი 17-26 ივლისს ჩარტდა.
კონკურსის ტურები ”Hungarian Heritage House”-ში მიმდინარეობდა. გალა კონცერტი კი ლისტის აკადებიის დარბაში მოწყო, სადაც მარიამმა მოცარტის კონცერტი ორკესტრთან ერთად შეასრულა. კონკურსს პირდაპირ ეთერში “Violin Channel” გადმოსცემდა.
მარიამ ობოლაშვილი თბილისის კონსერვატორიის სამუსიკო სემინარიაში პროფესორ მანანა ქანთარიას კლასში სწავლობდა. 2018 წლის სექტემბრიდან კი ის ლონდონის Yehudi Menuhin-ის სახელობის სკოლა-ინტერნატში ჩაირიცხა. ახალგაზრდა მევიოლინემ სწავლისათვის დაფინანსების სახით 42 000 გირვანქა სტერლინგი მიიღო.
მარიამი არაერთი ადგილობრივი და საერთაშორისო ფესტივალის მონაწილე და კონკურსის გამარჯვებულია.
მარიამ ობოლაშვილი კონკურსის ჟიურის თავმჯდომარესთან, შლომო მიცთან ერთად.
