იმერეთი თავისი სიმწვანითა და ტურისტებისათის მიმზიდველი ადგილებით გამოირჩევა. “მეგა ტვ” 10 გამორჩეულ ადგილს გაგაცნობთ, რომელიც იმერეთში აუცილებლად უნდა მოინახულოთ.
კიჩხის ჩანჩქერი
კინჩხას (ოკაცეს) ჩანჩქერის ბუნების ძეგლი ხონის მუნიციპალიტეტში მდებარეობს. იგი მდინარე საწისქვილოს ხეობაში, სამ საფეხურად გადმომავალ ჩანჩქერების კასკადია. პირველის სიმაღლე დაახლოებით 25 მეტრია, ხოლო მეორე ჩანჩქერის სიმაღლე 70 მეტრამდე აღწევს. ნაკადის მდინარე საწისქვილოსთან შეერთების შემდეგ 20 მეტრში წარმოიქმნება კასკადის მესამე დაახლოებით 35 მეტრი სიმაღლის საფეხური.
კინჩხის ჩაჩქერი, როგორც ტურისტებისათვის, ისე ადგილობრივებისათვის საყვარელი ადგილია. 2019 წლის 6 მაისის შემდეგ კინჩხას ჩანჩქერზე შესვლა ფასიანი გახდა. აქ ტურისტული ინფრასტრუქტურა სპეციალური გადასახედებით მოეწყო.
ოკაცეს კანიონი
ოკაცეს კანიონი ხონის მუნიციპალიტეტში, სოფელ გორდში მდებარეობს. ტურისტული ადგილი 2-3 საათიანი საინტერესო საფეხმავლო მარშრუტს, დადიანების ისტორიულ ტყე-პარკსა და 780 მ სიგრძის კიდულ ბილიკს გაივლის და პანორამული გადასახედით სრულდება. კანიონი გამორჩეულია მისი ხედებით, რაც მას ტურიტებისათვის საყვარელ ადგილად აქცევს.
კაცხის სვეტი
კაცხის სვეტის სამონასტრო კომპლექსი საჩხერე-ჭიათურის ეპარქიაში მდებარეობს. ეს სვეტი 40-45 მეტრი სიმაღლისაა და მასზე ასვლა მხოლოდ ვიწრო რკინის კიბითაა შესაძლებელი. კაცხის “სვეტი” ტექტონიკური ძვრების შედეგად წარმოქმნილ კლდოვან მასას წარმოადგენს.
მის ზედა ბაქანზე ორი ეკლესია დგას. ძეგლის უნიკალურობიდან გამომდინარე კაცხის სვეტი ტურისტებისათვის საყვარელ ადგილს წარმოადგენს. გაოცემას იწვევს კლდოვან სვეტზე აგებული ეკლესიები.
სათაფლია
სათაფლიის აღკვეთილი წყალტუბოში მდებარეობს. აქ ვიზიტორებს შეუძლიათ მოინახულონ, როგორც დინოზავრის გაქვავებული ნაკვალევი, ასევე სათაფლიის კარსტული მღვიმე. მისი სიგრძე 900 მეტრია, სიმაღლე 10 მეტრი, ხოლო სიგანე 12 მეტრი. აქვეა კლდის ბილიკი, კოლხური ტყე მისი პანორამული გადასახედებით.
პრომეთეს მღვიმე
მღვიმე, ულამაზესი ნაღვენთი ფორმებით გამოირჩევა, აქ ნახავთ განსაკუთრებული ფორმის სტალაქტიტებს, სტალაგმიტებს, სტალაგნატებს, ჰელიქტიტებს, გაქვავებულ ჩანჩქერებსა და ჩამოკიდებულ ქვის ფარდებს. მღვიმის ფართობია 46,6 ჰა. გაითვალისწინეთ რომ მღვიმეში საკმაოდ გრილა.
ვანის აბანოები
გოგირდოვანი მინერალური წყლის აუზები ვანში ყველა მსურველისთვის ღიაა. აუზები სოფლებს ბზვანსა და ამაღლებას შორის ცენრალური გზიდან 1 კილომეტრის დაშორებით მდებარეობს. ქუთაისიდან ავტომობილით ვანის აუზებამდე მისასვლელად 50 წუთი დაგჭირდებათ. წყლის ტემპერატურა 41 გრადუსია. იგი სამკურნალო გამაჯანსაღებელი თვისებებით გამოირჩევა. აბაზანებთან ტურისტული ინფრასტრუქტურა მოწყობილი არ არის. ასევე გზაზე არ დგას მაჩვენებლი ნიშნები.
წყალტუბო-ბალნეო კურორტი
წყალტუბოს მუნიციპალიტეტი გამორჩეულია არამარტო მისი კარსტული მღვიმეებით, არამედ თავისი სტატუსითაც. ქალაქი წყალტუბოც ცნობილია როგორც ბალნეო კურორტი.
იგი პოპულარობით ჯერ კიდევ XII-XIII საუკეუნეებიდან სარგელბლობს. ქალაქში ამ ეტაპზე 3 წყარო (№1, №3, №6)” და ბალნეოლოგიური ცენტრი ფუნქციონირებს. კურორტის უნიკალურობა მის მინერალურ წყაროებშია. თბილი (35 გრადუსი), მსუბუქი, უსუნო წყალი წინასწარი გათბობის გარეშე პირდაპირ აბაზანებში მიედინება , მათში აღმოჩენილი ბიოაქტიური მიკროელემენტები,სხვადასხვა დაავადებების მკურნალობის პროცესში , დიდ როლს თამაშობენ.
გამორჩეულია წყალტუბო აქ არსებული შენობების არქიტექტურითაც.
გაბზარული ტბა
გაბზარული ტბა წყალტუბოში სოფელ ყუმისთავში მდებარეობს. იგი კლდის ტბას წარმოადგენს და კლდის სიღრმეში ზედაპირიდან 25 მეტრის სიღმეზე მდებარეობს . თუკი ზაფხულის რამდენიმე დღის სასიამოვნო ბუნებაში ლამაზად გატარება გიყვართ და თან ლაშრობების მოყვარულიც ხართ აუცილებლად ეწვიეთ სოფელ ყუმისთავს და გაბზარულ ტბას.
ქალაქ წყალტუბოდან სოფელ ყუმისთავამდე -7,5 კილომეტრია, ხოლო სოფელი ყუმისთავიდან – გაბზარული ტბის ბუნების ძეგლამდე მანძილი 3 კილომეტრია.
ხანის ჩანჩქერი
სოფელ ხანის სამხრეთ-აღმოსავლეთით 4 კმ-ში, მდინარე ხანისწყლის ხეობაში მდებარეობს ყველაზე წყალუხვი და მაღალი ჩანჩქერი ბაღდათის მუნიციპალიტეტში. ჩანჩქერი დაახლოებით 25–30 მეტრი სიმაღლისაა. მზის სხივებზე წყლის წვეთები ცისარტყელას ფერებში გადადის და უმშვენიერეს სანახაობას ქმნის. ცხელ ზაფხულში ჩანჩქერთან ყოფნა უდაბნოს ოაზისივით მაცოცხლებელია. ჩანჩქერის მახლობლად მდინარე ჩადის კლდეში და რამდენიმე მეტრის შემდეგ კვლავ ამოდის, ამ ადგილს ადგილობრივები ,,ქვახველიას“ უწოდებენ. ბუნების ამ საოცრებების ნახვა, ხელით შეხება და შეგრძნება სიცოცხლის ელექსირია. მანძილი თბილისიდან 252 კმ. ბაღდათიდან 28 კმ. ქუთაისიდან კი 56 კმ-ია.
ბაგრატი-გელათი -მოწამეთა
იმერეთი გამორჩეულია მისი ხუროთმოძღვრებით. აქ ჩამოსულ სტუმრებს ვურჩევთ ქუთაისთან ახლოს მდებარე ტაძარები (ბაგრატი-გელათი -მოწამეთა) აუცილებლად მოინახულონ .
ბაგრატის ტაძარი ქუთაისში, უქიმერიონის გორაზე მდებარეობს. გელათი-გელათის მონასტერი -. ქუთაისის ჩრდილოეთ-აღმოსავლეთით 11 კმ-ზე, მდინარე წყალწითელას ხეობაში მდებარეობს და იუნესკოს ძეგლთა ნუსხაშია შეყვანილი. მოწამეთა – ქუთაისიდან ექვსი კილომეტრის დაშორებით, სოფელ მოწამეთაში მდებარეობს. აქ მოხვედრა შეიძლება როგორც რკინიგზით, ისე სამანქანო გზით.
გისურვეთ საინტერესო და სასიამოვნო დროის გატარებას იმერეთში.
