წყალტუბოს მუნიციპალიტეტი სოფელ ყუმისთავში “გაბზარულ ტბა”-სთან მისასვლელი გზის რეაბილიტაციას გეგმავს. გათვლილია გზის ბეტონის საფარით მოწყობა. ტენდერი უკვე გამოცხადებულია (NAT220008425)
შესყიდვის სავარაუდო ღირებულება 1`119`960 ლარია. სამუშაოები უნდა შესრულდეს ხელშეკრულების დადებიდან 50 დღის ვადაში. წინადადებების მიღება 20 მაისს დასრულდება.
გაბზარული ტბა – ბუნების ძეგლი, მდებარეობს იმერეთში, წყალტუბოს მუნიციპალიტეტში, სოფელ ყუმისთავში, ზღვის დონიდან 166 მეტრზე. ეს ტურისტებისთვის ერთ-ერთი საყვარელი ადგილია.
გაბზარული ტბის ბუნების ძეგლი გამომუშავებულია ქვედაცარცულ კირქვებში, შახტი ფართო ნაპრალის სახით ფოთლოვანი ტყით დაფარულ ფერდობზე იხსნება. ჩრდილოეთისკენ გაწოლილი ნაპრალის სიგრძე 60 მ აღწევს, სიგანე 2-25 მ-ია. ნაპრალის ფსკერზე, ზედაპირიდან 25 მ სიღრმეზე 45 მ სიღრმის სიფონური ტბა მდებარეობს. ნაპრალური სიფონი მღვიმური სისტემის ერთ-ერთი შემადგენელი ნაწილია. სიფონური ტბის დონე მდ. ყუმის გამოსასვლელების დონეს ემთხვევა.
მისასვლელი გზა: ქალაქი წყალტუბო – სოფელი ყუმისთავი -7,5 კმ;
