“წყალტუბოს განვითარების შეუქცევადი პროცესი დაიწყო” – ასე გამოეხმაურა წყალტუბოს მაჟორიტარი დეპუტატი ცოტნე ზურაბიანი ბიძინა ივანიშვილის იმ განცხადებას წყალტუბოს განვითარების გეგმის შესახებ.
“უპრეცედენტო გადაწყვეტილება წყალტუბოს განვითარების ისტორიაში. 30 წელზე მეტია, პრაქტიკამ აჩვენა რომ, საერთაშორისო დონის კურორტი და რეგიონში, ყველაზე დიდი შესაძლებლობების მქონე თერმული ქალაქი, სტანდარტული მიდგომით ვერ განვითარდა.
ბიძინა ივანიშვილის გადაწყვეტილება, არის ძლიერი შესაძლებლობა ჩვენი კურორტის სწრაფი განვითარებისა, ვიყოთ რეგიონის ჯანმრთელობის და ტურიზმის დედაქალაქი.
ძალიან გახარებული ვარ და მინდა, მივულოცო, ჩვენი ქალქის მაცხოვრებლებს, ყველას, ვისთანაც მიმქონდა წლების განმავლობაში ბიძინა ივანიშვილის სიტყვა და საქმე, წყალტუბოს განვითარების შეუქცევადი პროცესი დაიწყო.” – წერს ცოტნე ზურაბიანი თავის ფეისბუკ გვერდზე.
ბიძინა ივანიშვილის განცხადების, მიხედვით, რომელიც დღეს “ქართული ოცნების” ოფიციალურ ფეისბუკ გვერდზე გავრცელდა, ის სათავეში ჩაუდგება წყალტუბოს აღორძინების პროექტს.
