წლის პირველი თაფლის შეგროვება ბოლო აკორდი მთიან ზონაში დაიწყო. ბარში ეს პროცესი უფრო ადრე, აკაციის ყვავილობის დასრულების შემდეგ ხდება.
გაზაფხულზე თაფლს ფუტკრები აყვავებული ბუჩქნარებიდან და ტყეებიდან იღებს. ამიტომ მაისის თაფლში სხვადასხვა არომატები შეიმჩნევა. კერძოდ, ტყის მარწყვის, ალუბლის, ვაშლის, ფრინველის ბალის, ტირიფის და სხვა მცენარეების, რომლებსაც ყვავილობა მაისში უწევთ.
მაისის თაფლის ფერი, როგორც წესი, მერყეობს ოქროსფრიდან – ყავვისფრამდე, რაც მთლიანად დამოკიდებულია იმაზე, თუ სად მოიპოვეს ფუტკრებმა ნეკტარი, რომლისგანაც თაფლი გამზადდა. აღსანიშნავია, რომ მაისის თაფლი ძალიან პოპულარულია და მოთხოვნადი.
გაზაფხულის თაფლი ძალიან სასარგებლოა ადამიანის ორგანიზმისთვის. სხვა სახეობის თაფლისგან განსხვავებით ის ბევრად უფრო მარტივად ათვისებადია. ეს გამოწვეულია ნატურალური ფრუქტოზის უხვი რაოდენობით, რომელსაც მაისის თაფლი შეიცავს. ფრუქტოზის ძირითადი დადებითი თვისება არის ის, რომ ის ხელს უშლის შაქრის დიაბეტის გაჩენას და განვითარებას. ამის გარდა ის ხელს უწყობს სისხლის მიმოქცევის პროცესების ნორმალიზაციას.
მაისის თაფლის ხშირი გამოყენების შემდეგ ადამიანი ხდება უფრო ენერგიული და ბედნიერი, მას მკვეთრად უუმჯობესდება ხასიათი. ასევე, მაისის თაფლი ეფექტურად ებრძვის უძილობას და ნერვული სისტემის პრობლემებს. ის რეკომენდირებულია სხვადასხვა დაავადებების დროს, როგორიც არის მხედველობის დაავადებები და ატეროსკლეროზი.
აღსანიშნავია, რომ მაისის თაფლის დადებითი და სამკურნალო თვისებები პირდაპირ არის დაკავშირებული იმასთან, თუ რომელი მცენარეების ნექტარისგან არის ის დამზადებულია. მაგალითად, აკაციის ნექტარზე დამზადებული თაფლი უხდება ბავშთა კვებას, ხოლო კუნელის შემთხვევაში ის რეკომენდირებულია ჩიყვის და გულძარღვების სისტემის სამკურნალოდ. აღსანიშნავია , რომ გორდში უხვადაა აღნიშნული მცენარეები და ამიტომაც იგი კიდევ უფრო განსაკუთრებულია.
ფოტოს ავტორი: გია ჭანტურაია
