ქალი, რომელიც ლიდერობისა და წარმატების უპირობო მაგალითია. მეგა ტვ ქართულ-ამერიკული საერთაშორისო სკოლის „პროგრესის“ დირექტორს ნინო ჩიკვაშვილს ესტუმრა, რომელიც ტრადიციულ ქართულ-ებრაულ ოჯახში დაიბადა. ამით ამაყობს და თვლის რომ ეთნიკურად მდიდარია, ორი გული აქვს. განსხვავებული აზრით, ინტერესებით, იდეებით ბავშვობიდან გამოირჩეოდა, სურდა შეექმნა ის, რაც სასარგებლო იქნებოდა ჩვენი ქვეყნისთვის და მომავალი თაობებისთვის. განათლების მიღება საბჭოურ პერიოდში მოუწია, თუმცა იმ დროსაც კი, როცა ყველაფერი ჩარჩოში მოქცეული იყო, თავისი, მტკიცედ ჩამოყალიბებული აზრი გააჩნდა, რომელსაც ხან მეგობრებს, ხანაც საკუთარ თავს წარმოსახვებში უზიარებდა.
ოჯახში, სადაც ნინო ჩიკვაშვილი დაიბადა 90%-ზე მეტი ექიმები იყვნენ, ამიტომ ტრადიციისამებრ ოჯახის წევრებს მოლოდინი ჰქონდათ, ნინოც ამ სფეროს გაყვებოდა. თუმცა სკოლის დამთავრების შემდეგ, მან კატეგორიული უარი განაცხადა მედიცინას გაყოლოდა და საერთაშორისო აკადემიაში ჩააბარა, სადაც ერთდროულად ორ პროფესიას ეუფლებოდა _ სწავლობდა ინგლისურიდან პროფესიონალურ თარგმნას და ბიზნესადმინისტრირებას. არაერთი უცხო ენა აითვისა და მენეჯმენტსაც დაეუფლა. სადოქტორო განათლების მენეჯმენტში დაიცვა. იხსენებს , რომ მისი პირველი სამსახური საჯარო სკოლაში იყო.
მუშაობდა გაეროს ოფისში მოხალისედ. პარალელურად ქალთა ასოციაციაში მთარგმნელობით საქმიანობას ეწეოდა. ამ ყველაფერმა , განსაკუთრებით კი მოსწავლეების მძაფრმა სურვილმა დაუფლებოდნენ ინგლისურ ენას, მისცა მოტივაცია ისეთი სკოლა დაეარსებინა, სადაც ამის რესურსი იქნებოდა. მიზნები ეტაპობრივად განახორციელა . ყველაფერი ახალგაზრდული თეატრის შენობის ერთ ოთახში გახსნილი ცენტრით დაიწყო.
სკოლა ,,პროგრესი” ქუთაისში 2002 წელს დაარსდა. გარდაქმნის პროცესში ნინო აქტიურად იყო ჩართული. ამბობს, რომ ძალიან რთული გზა გაიარა, თუმცა წარსულში რომ დააბრუნა არაფერს შეცვლიდა. ამაყობს იმით, მიუხედავად ქვეყანაში შექმნილი სოციალურ, ეკონომიკური თუ პოლიტიკური ცვლილებებისა სკოლა მის საქმეს ყოველთვის აკეთებდა და არაფერზე იყვნენ დამოკიდებულნი. „სკოლის წარმატებაც ამაშია“-განმარტავს ნინო ჩიკვაშვილი.
ახლახანს სკოლამ ამერიკული აკრედიტაცია მიიღო, რაც იმას ნიშნავს, რომ სკოლა ორმაგ საქართველოს და ასევე, ამერიკულ საერთაშორისო დიპლომს გასცემს. დიპლომი აღიარებულია მთელს მსოფლიოში . უკვე წარმატებული და ლიდერი ქალი სხვა ქალებს აძლევს რჩევას . იგი წარმატების საფუძველს განათლებაში ხედავს.
ქართულ-ამერიკული საერთაშორისო სკოლა ,,პროგრესის” დამფუძნებელი და გენერალური დირექტორი ნინო ჩიკვაშვილი ამერიკის შეერთებულ შტატებში , ლასვეგაში ინფორმაციული ტექნოლოგიებისა და მასწავლებელთა განათლების საერთაშორისო ორგანიზაციის თავჯდომარედ აირჩიეს. ნინო ევროვუმენის სპიკერია, მალე ბედს ტედექს თბილისის სპიკერის კონკურსზეც ცდის. შესაძლოა ახლო მომავალში არასამთავრობოც დააფუძნოს, რომელიც უმთავრესად ქალებს მიეძღვნება. ამასთან ერთად აპირებს სამივე ქალაქში ქუთაისში, ბათუმსა და თბილისში სასწავლო უნივერსიტეტი უცხო ენის მასწავლებლებისთვის დააარსოს. სექტემბრისთვის კი პროგრესი კონკორდიას უნივერსიტეტის ქსელის წარმომადგენელთან მემორანდუმს გააფორმეს, რომლის მიხედვითაც კურსდამთავრებულებს , სურვილის შემთხვევაში მეცამეტე წელი დაემატებათ , შემდეგად კი ისინი ამერიკაში ბაკალავრიატის პირდაპირ მეორე კურსზე სწავლებას შეძლებენ. ასე რომ გეგმები დიდია ,წარმატებები სკოლა პროგრესს და ნინო ჩიკვაშვილს.
