მცხეთის საავადმყოფოში 24 წლის ნინო გულიკაშვილი გარდაიცვალა. ინფორმაციას ამის შესახებ “მთავარი არხი“ ავრცელებს.
“მესამედ, რომ გაუკეთეს ტესტი მერე გვითხრეს, რომ ნინო კორონავირუსით იყო დაინფიცირებული. გარდაცვალების მიზეზად გვითხრეს, რომ ჰქონდა შაქარი, რაც წლების განმავლობაში არ აწუხებდა, სიმპტომი არ ჰქონია.
დედას მისწერა, რომ ყურადღებას არ აქცევდნენ, წყალი უნდოდა, საღამოს საათები იყო და ექიმებს ეუბნებოდა წყალი მაინც შემომიტანეთო და არც ერთი ექიმი არ შედიოდა. 24 წლის გოგო წამებით მოკლეს, არ მომკვდარა ნინო მოკლეს”, – ამბობს გარდაცვლილი გოგოს ბიძაშვილი, მარიამ გულიკაშვილი “მთავართან“.
“ეს ანგელოზივით გოგო მოკლეს დღეს მცხეთის საავადმყოფოში, 24 წლის ნინი, ორჯერ აუღეს ტესტი და კორონა არ გაქვს, მესამე ტესტმა დაადასტურა, როგორც ჩანს საავადმყოფოში დააინფიცირეს, დღეს დილით უნდა გამოეწერათ საავადმყოფოდან და წამებში დამძიმდა მდგომარეობა ფილტვები ჩაეკეტა თურმე.. დამაძინებელ პრეპარატებს აძლევდნენ და აძინებდნენ თურმე.. გარდაცვალების მერე უთხრეს პატრონს თურმე შაქარი ქონიაო, მოუგონეს საბრალოს რომ თავი გაემართლებინათ… საქართველო სასაკლაოდ იქცაა “, – ნათქვამია პოსტში.Ambebi.ge ამბის დეტალებს არკვევს და მოგვიანებით შემოგთავაზებთ.
