წალენჯიხის ახლად არჩეული მერი გია ხარჩილავა “ფეისბუქის” პირად გვერდზე საქართველოს ექსპრეზიდენტის, მიხეილ სააკაშვილის მიერ მისთვის გამოგზავნილ წერილს აქვეყნებს, რომელსაც თან ვრცელ მიმართვას ურთავს.
როგორც ხარჩილავა წერს, – “აქამდე არასდროს ყოფილა თავისუფალაღკვეთილი ადამიანი საპატიმროდან უფრო თავისუფალი გარე სამყაროზე.”
“საქართველოს პრეზიდენტს, ბ-მიხეილ სააკაშვილს! თავისუფლების ბასტიონიდან!
დიადი ამბების თანამონაწილეები და შემოქმედნი გავხდით, ისევ წალენჯიხიდან! დიახ, გაუტოლდა ერთი კაცის, მიხეილ სააკაშვილის ბრძოლა ერის ბრძოლას თავისუფლებისთვის – საკუთარი თავისუფლების გაწირვის ხარჯზე! თავიდანვე, გადაწყვეტილების მიღებისთანავე, იგი ბრუნდებოდა საკუთარ ქვეყანაში, როგორც სატუსაღოში, როგორც ციხეში, სადაც პატიმრობდა ქართული საზოგადოება მთლიანად, როგორც მძევალი ოლიგარქიისა! ამ საზოგადოების გამოხსნას კი თავდადებები დასჭირდა, პირადი მაგალითები და სიდიადეების განზოგადება! აქამდე არასდროს ყოფილა თავისუფალაღკვეთილი ადამიანი საპატიმროდან უფრო თავისუფალი გარე სამყაროზე, უფრო თავისუფალი, ვიდრე ძალაუფლების მფლობელნი და არასდროს დაპატარავებულან “დიადნი ამა ქვეყნისანი”ისეთად, როგორიც ისინი თავგანწირვის ამ ნაბიჯმა წარმოაჩინა… ნაბიჯმა,რომელიც ღირებულებითი და მასშტაბებში აცდენების გამო ვერ გათვალეს მცირეებმა დიდისგან, წარმავალებმა მომავლისგან.
ეს ისტორია ახალი ქართული სულიერი ამბოხის იმპულსებითაა გაჯერებული და თავისუფლებას მოწყურებული ერი მიშას საკნის კედლის ორივე მხრიდან დაანგრევს ციხეს, როგორც სიმბოლოს და მოიპოვებს ქვეყანას, როგორც სახელმწიფოს, ერთი ადამიანის, საზოგადოების და ქვეყნის თავისუფლებად!
მადლობა მაგალითისთვის!
მადლობა გზნებისთვის!
შთაგონებისთვის!
ეს წერილი ყველა წალენჯიხელს გვეკუთვნის, ყოველ თქვენგანს! ეს წერილი ყველა შეუგუებელს ეკუთვნის!
წერილი საკნიდან, წერილი ქვეყნიდან, როგორც საპატიმროდან, წერილი, როგორც თავისუფლების მოძახილი!
ორი მოლოდინი ამოხეთქავს ამ წერილის წაკითხვისას ჩემს და შენს წალენჯიხაში, ბატონო პრეზიდენტო !
ერთი-თქვენი და ქვეყნის თავისუფლების გამარჯვების!
მეორე თქვენი წალენჯიხასთან შეხვედრისა წალენჯიხის ცენტრალურ მოედანზე, საიდანაც 2003 წელს ვარდების კოლონა დაიძრა და ქვეყანა თავისუფალი ერის შემოქმედებითი ცხოვრებით აცხოვრა! და სადაც ამ 2021 არჩევნებზე ოპოზიციის ახალი გამარჯვების ისტორია დაიწერა მთელი საქართველოსთვის, როგორც ცვლილებების დეტონაცია..
და რომელიც ,ყველა ისტორიული ლოგიკით, თავისუფლების მოედნად იქნება წოდებული წალენჯიხაში და სადაც, თქვენი თაოსნობით და ჩვეული აღმშენებლობის ჟინით, თბილისის თავისუფლების მოედნის წმინდა გიორგის ქანდაკების ასლი დაიდგმება, როგორც პარალელი ერისა და წალენჯიხისა- დროსა და სივრცეში!!
ბარიერთან!
“ყველაფერი გამოგვივა”
მიხეილ სააკაშვილი!
1 ნოემბერი, გიორგობისთვე!” – წერს გია ხარჩილავა.
