ჩრდილოეთ კორეამ სამხრეთ საზღვართან ბირთვული რაკეტის 250 გამშვები განათავსა. ინფორმაცია ამის შესახებ, სახელმწიფო მედიამ, კორეის ცენტრალურმა საინფორმაციო სააგენტომ (KCNA) გაავრცელა.
ფხენიანში რაკეტის გამშვებების განთავსებასთან დაკავშირებით საჯარო სამხედრო აღნიშვნა მოეწყო, სადაც დიქტატორმა კიმ ჩენ ინმა დამსწრეებს სიტყვით მიმართა. კიმ ჩენ ინმა მიმართვისას თქვა, რომ რაკეტის გამშვებების შემქმნელი და დიზაინერი თავადაა. მისი თქმით, რაკეტის გამშვებები თანამედროვე ტაქტიკური იარაღებია.
ცერემონიაზე ქუჩებში გამოიყვანეს სატრანსპორტო საშუალებები, რომლებზეც რაკეტის გამშვებები იყო დაყენებული. საზეიმო აღნიშვნა ასევე მოიცავდა ფეიერვერკებსაც.
სამხრეთ კორეის წარმომადგენელმა ლი სანგ-ჩონმა თქვა, რომ რაკეტების გამშვებები საზღვართან სამხრეთ კორეაზე მუქარისა და თავდასხმისთვის განალაგეს, თუმცა საზღვართან ასე ახლოს განლაგება იმის ნიშანია, რომ რაკეტების მოქმედების მანძილი დიდი არაა.
