“მკლავდა, ბავშვებს დედის გარეშე ტოვებდა, შვილების თვალწინ დამჩეხა”– ექსკლუზიური ინტერვიუ 30 წლის ქალთან, რომელსაც მამამთილი ქმრის საფლავზე კლავდა. (დაკავებულის ვაჟი, გურამ აბდალაძე 8 თვის წინ, ავტოკატასტროფაში გარდაიცვალა0.
შემთხვევა წყალტუბოში, სოფელ საყულიაში 18 ოქტომბერს მოხდა – საქმის მასალების მიხედვით, 54 წლის კაცმა რძალს, გურანდა მაღლაფერიძეს დანა 4-ჯერ, სამი მცირეწლოვანი შვილის თვალწინ ჩაარტყა.
“ბავშვების ხმა მესმოდა როგორ კიოდნენ – დედას ნუ გვიკლავ, მამაც აღარ გვყავსო”– იხსენებს 30 წლის ქალი.
ირკვევა, რომ ახალგაზრდა ქვრივსა და ქმრის მშობლებს შორის კონფლიქტი წლებია გრძელდება. გურანდა მაღლაფერიძე ირწმუნება, რომ ის მამამთილის მხრიდან ფსიქოლოგიური და ფიზიკური ძალადობის მსხვერპლი იყო. პოლიციას კი შიშის გამო ვერ მიმართავდა. “რომ ვამბობდი, პოლიციაში დავრეკავთქო, ეუბნებოდა, რომ ყელს გამომჭრიდა”.
როგორც დაზარალებული ყვება, ქმრის ტრაგიკული სიკვდილის შემდეგ, საცხოვრებლად მეუღლის მშობლებთან დაბრუნდა, თუმცა კონფლიქტი რძალ-მამამთილს შორის იმდენად გამწვავდა, რომ ქალმა 54 წლის კაცის წინააღმდეგ 29 აგვისტოს პოლიციას მიმართა. გომელაურის უწყებამ ერთთვიანი შემაკავებელი ორდენი გამოსცა. ქალი ამტკიცებს, რომ მამათლმა ეს არ აპატია და ქმრის საფლავზე მისულს თავს დანით განზრახ დაესხა.
ცნობილია, რომ 54 წლის გოჩა აბდალაძე რძლის დაჭრის შემდეგ პოლიციას თავად ჩაბარდა. რატომ გაიმეტა სასიკვდილოდ მცირეწლოვანი შვილიშვილების თვალწინ რძალი, ბრალდბული დუმს. მისი მეუღლე კი ამტკიცებს რომ დანაშაულის პროვოცირება ქვრივმა მოახდინა.
დაკავებულის ცოლის მტკიცებით, რძალს მათი ქონების მითვისება უნდოდა. ქალი საბედისწერო დღეს მომხდარი ჩხუბის სულ სხვა ვერსიას ყვება, ამბობს, რომ რძალი მამამთილს ბავშვებთან ურთიერთობას უკრძალავდა. კაცი შვილის საფლავზე ბავშვების სანახავად მივიდა და დაჭრის განზრახვა არ ჰქონია.
გურანდა მაღლაფერიძის დედამთილი ამტკიცებს, რომ რძალს მისმა ქმარმა 4 ჭრილობა შემთხვევით მიაყენა. ფიზიკური დაპირისპირება კი მისი ვერსიით, მაშინ დაიწყო, როდესაც სასაფლაოზე მისულ კაცს რძალმა უთხრა რომ მის საუბარს ტელეფონში იწერდა.
ბრალდებულის ოჯახი რძალზე წარსულში ძალზე განხორციელებულ ძალადობს კატეგორიულად გამორიცხავენ. გურანდა მაღლაკელიძის დედამთილი ძალადობაში პირიქით, ყოფილ რძალს ადანაშაულებს.
გურანდა მაღლაკელიძე დაკავებულის უმკაცრესად დასჯას ითხოვს. ამ დრომდე ფსიქოლოგების მეთვალყურეობის ქვეშ რჩებიან ქალის არასრულწლოვანი შვილები. 54 წლის კაცს კი დანაშაულის დამტკიცების შემთხვევაში, ციხეში15 წლის გატარება მოუწევს.
სისხლიანი გარჩევის ფიგურანტი რძალ-მამათილი პირველად ერთმანეთს 8 დეკემბერს სამართლო დარბაზში შეხვდებიან.
