შვეიცარიის ალპებში, მოთხილამურეების ჩამოყვანისას, ვერტმფრენი ჩამოვარდა. შედეგად დაიღუპა სამი და დაშავდა სამი ადამიანი. ინფორმაციას რეგიონული პოლიცია ავრცელებს და წერს, რომ ვერტმფრენი ზღვის დონიდან 3 668 მეტრზე ავიდა და ჩრდილოეთ ფერდობზე ჩამოცურდა. გამოძიება მიზეზის დადგენას ცდილობს.
ვერტმფრენში პილოტი, მთის მეგზური და ოთხი მოთხილამურე იმყოფებოდნენ. დაღუპულებისა და დაშავებულების ვინაობა არ სახელდება. სამაშველო სამუშაოების ფარგლებში ადგილზე შვიდი ვერტმფრენი გაგზავნეს.
ორ დაშავებულს სასწრაფოდ ჩაუტარდა მკურნალობა, სანამ თვითმფრინავით კანტონის ვალესის დედაქალაქ სიონის საავადმყოფოში გადაიყვანდნენ. პოლიციის ცნობით, მესამე პირი მოგვიანებით გადაარჩინეს – “სამწუხაროდ, თვითმფრინავის სამი სხვა მგზავრი უსიცოცხლო აღმოჩნდა.”
