აფხაზეთიდან დევნილები საცხოვრებელი ფართით დაკმაყოფილებას და დევნილთა შემწეობის გაზრდას მოითხოვენ!
-დევნილები საერთოდ ახსოვს ვინმეს?! – ასეთი პათოსი შეინიშნება სოცოლურ ქსელში, ჯგუფი ,,დევნილები დევნილებისთვის“ რომელიც 28000 -მდე ადამიანს აერთიანებს მისი დამფუძნებლები, ორგანიზატორები და წევრები მათი უფლებების დაცვას მოითხოვენ.
უმთავრესი მოთხოვნებია :
- დაინიშნოს აფხაზეთის უმაღლესი საბჭოს არჩევნები;
- საჯარო რეესტრში დაფიქსირდეს დევნილთა უძრავი ქონება ოკუპირებულ ტერიტორიებზე
- ვეტერანის დახმარება გახდესსაარსებო მინიმუმის ტოლფასი. – ირაკლი ტორუა – ასოციაცია დევნილები დევნილებისათვის.
ასევე, ბინით დროულად უზრუნველყოფას და აფხაზეთში დაბრუნებამდე დევნილთა დახმარების გაზრდას მოითხოვენ სახელმწიფოსგან.
დევნილთა ნაწილი სახელმწიფოს პანდემიის დროს მეტ თანადგომას – ფულად კომპენსაციას ან ჰუმანიტარულ დახმარებასაც თხოვს.
-კეთილი ინებოს აფხაზეთის მთავრობამ და დაგვეხმარონ 45 ლარის ამარა რომ ვართ ამ პანდემიის დროს.
რა საჭიროა ქულების დაწესება? ვინც იქედან გამოვედით ყველას სჭირდება ბინა და ფული ყველას დაურიცხონ ერთჯერადი დახმარება და გააორმაგონ დახმარება-განაცხადა ნანი უგულავამ.
-მოეხსნას დევნილებს ქულების იარლიყი და დაკმაყოფილდეს ყველა დევნილი პირველ რიგში ვისაც არაფერი მიუღია. რატომ წყვეტენ დახმარებას როცა გადიხარ ქვეყნიდან და სადაა ეს თანხა. მოხდეს დევნილების თავიდან აღწერა და ნახავთ ჯერაც რამდენი არააფხაზეთელია დაფიქსირებული აფხაზეთიდან დევნილად. შეწყდეს მესამე თაობაზე ერთიდაიგივე ხალხზე ნაცნობობით ბინებით დაკმაყოფილება. უპირობოდ დაკმაყოფილდეს უბინაოები. გაორმაგდება მაინც დახმარება და გაუმჯობესდეს ჯანდაცვის პაკეტი დევნილებზე!
-პირველ ეტაპზე ქირით მაცხოვრებელ დევნილებს უნდა მიექცეს ყურადღება!!! უპირობოდ, არანაირი კრიტერიუმი და ქულა არ უნდა გვეხებოდეს. ვინმე არის ამის წინააღმდეგი? რამეს არასწორად ვითხოვ?…
პ.ს. აი რომ ვითხოვთ ზუსტად აქაა ჩვენი პრობლემა. – ირმა ცირამუა.
-ორიმამიდა მყავს, ამჟამად ბათუმში ცხოვრობენ.
(დევნილები) აქვთ COVID – 19, საავადმყოფოში ვერ მოათავსეს და სახლში გადიან მკურნალობას. ყველაფერს აკეთებენ ჩემი მამიდაშვილები, მაგრამ ყველა ფინანსური რესურსი ამოეწურათ, ვალები აიღეს. მათი მკურნალობა სახლში უკვე 1 200 ლარზე მეტი დაჯდა…
ერთი 91 და მეორე 86 წლისები არიან, არანაირ შეღავათს არ იღებენ მედიკამენტებზე. – ამბობს ნონა გარგანჯია.
-ვცხოვრობთ ქირით თუ ცხოვრება ქვია ამას 4,5 მაქ ქულა წელს მაინც არ მოვხვდი იმიტომ რომ 1ოთახიანს მაძლევენ 13წლის ბიჭი მყავს მე რომ განვიცდი, ვნერვიულობ ბავშვიც განიცდის საშინლად. სანამდე უნდა ველოდოთ ამ უსამართლობას? მგონი ჩვენ აქ არავის არ ვჭირდებით. ან დააკმაყოფილონ ყველადევნილი ბინებით ან დაგვაბრუნონ. გაგვანადგურეს ნერვი აღარა გვაქ უსასრულო ლოდინით. – ნესტან ტორუა.
-დაამთავრონ ბოლოს დაბოლოს ბინებით დევნილების დაკმაყოფილება ქულების გარეშე, მიმართვით კი რავიცი ვისუნდა მივმართო, ვისაც მივმართავდი და დავდიოდი ჩემი მეუღლე ომის პირველი ჯგუფის ინვალიდი იყო, სიმსივნით დაავადებული, 10 ქულა გვქონდა და არ გვაღირსეს. ისე გარდაიცვალა, რომ მივაკითხე საბუთების ჩემ სახელზე გადმოსაწერად 2,5 ქულა გაქვსო, ვიკითხე მიზეზი და შენმა მეუღლემ წაიღოო, მის შემდეგ აღარსად მიკითხავს. – ნესტან კუპატაძე.
-იდეა კარგია მაგრამ უნდა დაიფიცონ კანონის წინაშე ადვოკატებმაც და დევნილების მიერ არჩეულმა წარმომადგენლებმაც რომ დევნილთა ინტერესებს დაიცავენ და არა ახალანდელ დევნილთა სამინისტროს მოქრთამვას დასთანხმდებიან მხოლოდ სათავისოდ. მე მჭირდება თავშესაფარი, რადგან ვცხოვრობ სამსახურში, მაგრამ ჩემზე მეტად სჭირდებათ ქირით მყოფ ოჯახებს ამიტომ საჭიროების აუცილებლობის მიხედვით სწორი კრიტერიუმით უნდა შეფასდეს ყველა უბინაო დევნილი. ხომ ამბობენ ნახევარზე მეტს მივეცითო. ხოდა, რაღა დავრჩით ასიათასი აქედან დაახლოებით, ოცდაათიათასი ბინაღაა საკმარისი დაბოლობოლო მოაბან თავი აღრიცხონ და რაც ყველაზე მნიშვნელოვანია აწიონ ერთი ადგილი უკვე დაკმაკოფილებული დევნილებიც გამოარკვიონ და აღრიცხონ და ვითომ დევნილად გაფორმებულებმა ამდენი წელი რომ ისარგებლეს იძულების გზით დააბრუნებინონ უკან. – მონიკა კაცაძე.
და ბოლოს, სხვა მოუგვარებელ სოციალურ პრობლემებს შორის რომლის ჩამონათვალიც უსასრულოა დევნილები ემიგრაციაში მყოფი აფხაზეთელების საკითხსაც სვამენ და მათ გადაჭრას მოითხოვენ. – პრობლემაა დევნილთა სტატუსი,რატომ ეხსნება დევნილს სტატუსი თუ კი, ისქვეყნის გარეთ იმყოფება?ეს ხელს უშლის მას საკონსულოში ურთიერთობისას! არის საკითხები სადაც დევნილობას ვერ ამტკიცებს ! თუ საზღვარგარეთ ხარ ესე იგი არხარ დევნილი და არ გიცხოვრია აფხაზეში!?
-სამი ოჯახი ვცხოვრობთ ქირით ერთ ბინაში…მემეუღლე, ორი ვაჟი თავიანთი ცოლებით და შვილებით… წარმოიდგინეთ რა მდგომარეობაში ვართ…სულ მატყუებენ, არ დაგვადგა საშველი… ბინა მინდა მეტი არაფერი…დავიღალე. – ნატ ო კო რ ძახია.
-სოფელში მაჩუქეს ნაკვეთი უკვე 15-წელია. .არ მაქ საშუალება პატარა სახლი ჩავდგა…უარს მეუბნებიან იმის გამო რომ მეუღლეს აქვს დაკანონებული საერთო საცხოვრებელი სადაც ვცხოვრობთ შვილებთან და შვილიშვილებთან ერთად 41-კვ. – დოდო ნარსია.
-დევნილთა შემწეობის გაზრდა! – მოითხოვს გია ჩხირკვია.
ყველაზე აუცილებელია მიიღონ კანონი რომლებმაც დავტოვეთ სამაჩაბლო ან აფხაზეთი დააკმაყოფილონ პირველ რიგში ის ოჯახები რომლებიც არც ისე ბევრი დავრჩით ქულას რომ გვითვლით ის დაგვითვალეთ იქ რადავკარგეთ და იმის საფუძველზე დაგვაკმაყოფილეთ ქულა სოციალურს ხომ არ ვითოვთ ქულას რომ გვითვლით ის საკმარისი არ არის 30 წელი უსახლკაროდ რომ ვართ მიექცეს ყურადღება პირველ რიგში ვინც დაკარგა ყველაფერი სიცოცხლის გარდა. აი, ისინი დააკმაყოფილეთ ჯერ. – მზია ჯალაბაძე
ავტორი: მანანა ლეშკაშელი
