კახეთში მისტიკური სახლი გაიყიდა, სადაც ოჯხათან ერთად უამრავი გველი ცხოვრეობს, ინფორმაციას “პრაიმტაიმი” ავრცლებეს.
როგორც ცნობილია ქვეწარმავლების სტუმრობა ოჯახში წლების მანძილზე, მარიამობის დღეს იწყებოდა და ნოემბრამდე გრძელდებოდ.
ოჯახი წლების განმვალობაში შველას ითხოვდა, თუმცა უშედეგოდ.
ვერცხლისფერი გველის ასეთი სახეობა ყვარლის რაიონის სოფელ გავაზში სხვაგან არსად შეუნიშნავთ, ისინი მხოლოდ ჯაფოშვილების საცხოვრებელ სახლში ბინადრობდნენ.
„უკვე ათი წელია, მთელი ოჯახი საშინელ პირობებში ვიმყოფებით. ყოველი მარიამობის დღესასწაულიდან, ნოემბრის ბოლომდე და შემდეგ – ყოველ გაზაფხულზე, მარტიდან ივნისამდე, უამრავი გველის გვერდით ცხოვრება გვიწევს. ვერცხლისფერი გველებია, სხვადასხვა სიგრძის – 10-15 სმ-დან დაწყებული, 2-მეტრიანით დამთავრებული. ყოველდღიურად, 15-20 გველს ვკლავთ, მაგრამ ყოფილა შემთხვევები, როდესაც 40 გველიც მოგვიკლავს. ღამით, ჯერ ვათვალიერებთ ოთახს, შემდეგ ვწვებით დასაძინებლად, მაგრამ შიშისგან ნახევარი ღამე მაინც არ გვძინავს.” – ყვებოდა ოჯახის დიასახლისი.
სოფლის მკვიდრნი ამბობდნენ, რომ როდესაც ამ სახლს აშენებდნენ, საძირკვლის გათხრისას, გველის კვერცხები უნახავთ. რჩევაც მიუციათ ოჯახის წევრებისთვის, აქ სახლს ნუ ააშენებთო, – მაგრამ მაინც აუშენებიათ. იმასაც ამბობენ, თითქოს ადრე, ამ ადგილზე საფლავი ყოფილა, განძია ჩამარხული და გველები სწორედ მას დასტრიალებენო…
წლების განმავლობაში არაფერი იცვლებოდა ჯაფოშვილების ოჯახში. „პრაიმტაიმი“ დაინტერესდა, ცხელი ამინდების დადგომასთან ერთად, წელსაც ხომ არ გამოჩენილან გველები.
გამგებლის წარმომადგენელმა გავაზში, სოფო ბერიაშვილმა გვითხრა, რომ მიუხედავად იმისა, რომ ჯაფოშვილებს სახლის გაყიდვის იმედი არ ჰქონდათ, როგორც იქნა, გაუყიდიათ, ახალ მფლობელს კი გამოკეტილი აქვს და იქ სავარაუდოდ, მეურნეობის ან სხვა რამის გაკეთებას გეგმავს.
