“დღეს ინგლისური ენიდან შემოტანილ 10 ბარბარიზმს შემოგთავაზებთ, ბოლო დროს ხშირად რომ იწერება ან მესმის.
აქვე იმასაც ვიტყვი, რომ ქართული ენისთვის ესეც მძიმე სენია:
1. ლოკაცია (უვიცობაა ამ სიტვის თქმა და ასევე, ლოქეიშენისაც) – ადგილი, ადგილმდებარეობა
2. ოქეი (ვითომ “მაგარი ტიპობაა”) – კარგი
3. მენეჯერი (უპატივცემულობაა) მმართველი
4. სტაფი (სიბრიყვეა) – გუნდი (თანამშრომელთა, თანამოაზრეთა)
5. ქეში (უბედურებაა) – ნაღდი
6. ემერჯენსი (უცოდინრობაა) – გადაუდებელი
7. ფეიკი ( სისაძაგლეა) – ყალბი
8. ნიუსი (საშინელებაა) – ახალი ამბავი
9. პოზიტივი (უკვე მბურძგლავს) – დადებითი
10. ლაიქი, დალაიქება (სნობიზმია) – მოწონება
პრინციპში, ყველა სიტყვაზე მბურძგლავს.
არადა, რა კარგი ქართული შესატყვისები გვაქვს.
როგორც შიო პაპა ამბობს – უცხო სიტყვებით რახარუხი უწიგნურობას ნიშნავს.
მეტი პატივისცემა საკუთარ ენას, წინაპრების ენას, სახელმწიფო ენას.
#დავიცვათქართულიენაბარბარიზმებისგან
#ვილაპარაკოთქართულად – წერს გოჩა ჩანადირი ფეისბუკზე.
