ხვალ, 6 ოქტომბერს, ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში ,,გიორგი ცაბაძის 100 წლის იუბილესადმი მიძღვნილი ფესტივალი“ გაიმართება.
გიორგი ცაბაძის შემოქმედებისადმი მიძღვნილ საიუბილეო ღონისძიებაში მონაწილეობას მიიღებენ ცნობილი ქართველი მუსიკოსები: კახა ცაბაძე, მაია ჯაბუა, თემურ თათარაშვილი, არჩილ გოგიტიძე, არჩილ ნიჟარაძე, დავით სირბილაძე, დავით მაზანაშვილი (ბენდთან ერთად), ,,თბილისური კვარტეტი“ (ხელმძღვანელი თეიმურაზ რიჟამაძე) მიიღებენ მონაწილეობას. საღამოზე დამსწრე საზოგადოების წინაშე ასევე წარსდგებიან თამარ გვერდწითელი, ნეკა სებისკვერაძე, ნანული სარაჯიშვილი, გოგიტა გეგელაშვილი და კახა იშხნელი.
პროექტის სცენარის ავტორი და წამყვანია ნიკოლოზ წულუკიძე.
ქუთაისის მერიას შემსრულებლების ნაწილისთვის 50 000 ლარი აქვს გამოყოფილი. სატენდერო დოკუმენტაციის მიხედვით თანხები მუსიკოსებზეა ასეა გადანაწილებული:
კახა ცაბაძე 5 340 ლარი
თემურ თათარაშვილი 2 480 ლარი
მაია ჯაბუა 2 480 ლარი
არჩილ ნიჟარაძე 5 490 ლარი
დავით სირბილაძე 5 490 ლარი
არჩილ გოგიტიძე 5 340 ლარი
ნიკოლოზ წულუკიძე 5 000 ლარი
დავით მაზანაშვილი (დავით მაზანაშვილის ბენდის მუსიკალური ხელმძღვანელი) 13 500 ლარი
თეიმურაზ რიჟამაძე 4 880 ლარი
ფესტივალის მიზანია ყველასათვის საყვარელი სიმღერების, მიუზიკლების, ოპერეტებისა და მუსიკალური კომედიების, მრავალი სპექტაკლისა და ფილმის მუსიკის ავტორის გიორგი ცაბაძის შემოქმედების კიდევ ერთხელ გახსენება და ფართო აუდიტორიის წინაშე გაჟღერება. ღონისძიებაზე მაყურებელს შესაძლებლობა ექნება კომპოზიტორის ბიოგრაფიიდან მოისმინოს უცნობი ისტორიები და იხილოს კადრები, რომლებიც ამ დრომდე არსად გამოქვეყნებულა. ფესტივალის ფარგლებში ორი გალაკონცერტი უკვე ჩატარდა თბილისსა და ბათუმში.
