საქართველოს ვიცეპრემიერმა თეა წულუკიანმა მთავრობის სხდომის შემდეგ ჟურნალისტების კითხვებს უპასუხა, სადაც ქუთაისის მუნიციპალიტეტის მერიის მიერ მიღებულ და დამტკიცებულ ანტიკორუფციულ სტრატეგიაზე ისაუბრა და აღნიშნა რომ ამ კუთხით ქუთაისის მუნიციპალიტეტი გამორჩეულია.
„ვერც ერთ მათგანს ცალკე ვერ გამოვყოფდი, მაგრამ განსაკუთრებით მაინც მინდა, მივესალმო იმ ძალისხმევას, რომელიც ქუთაისის მუნიციპალიტეტმა გასწია, რადგან მათ ადგილობრივ დონეზე შეძლეს, რომ საკუთარი ანტიკორუფციული სტრატეგია და სამოქმედო გეგმა ჰქონდეთ. შესაბამისად, მე ერთადერთი ის შემიძლია, რომ მოგიწოდოთ, ამ დოკუმენტს დეტალურად გაეცნოთ და მედიისა და საზოგადოების ჩართულობა უზრუნველყოთ მისი მონიტორინგის პროცესში“, – აღნიშნა თეა წულუკიანმა.
ქუთაისის მერიამ ანტიკორუფციული სტრატეგია და სამოქმედო გეგმა გაეროს განვითარების პროგრამის მხარდაჭერით შეიმუშავა.
