ქუთაისის მუნიციპალიტეტის მერიამ, ქალაქში ინფრასტრუქტურული სამუშაოების განსახორციელებლად კიდევ რამდენიმე ტენდერი გამოაცხადა. მათ შორის, სანიაღვრე ქსელი მოეწყობა ბარნოვის ქუჩის მეორე შესახვევის #5-ის მიმდებარე ტერიტორიაზე. ასევე დაგეგმილია ნიაღვარსადენი არხის, მილების მოწყობისა და გრუნტით დაფარვის სამუშაოების ჩატარება. სახელმწიფო შესყიდვის სატენდერო ღირებულებაა 25 310 ლარი. გარდა ამისა, საგზაო ინფრასტრუქტურა მოწესრიგდება კ. გამსახურდიას ქუჩის მე-14 შესახვევში. გზის ამ მონაკვეთის ასფალტო-ბეტონით დაფარვისა და სანიაღვრე სისტემის მოწყობის სატენდერო ღირებულებაა 191 714 ლარი. 2021 წელს რეაბილიტაცია ჩაუტარდება ქალაქის რამდენიმე ადმინისტრაციული ერთეულის შენობებს. ავტოქარხნის, კახიანოურის, მუხნარის, ნიკეას, საფიჩხიის, უქიმერიონის და ძელქვიანის ადმინისტრაციული ერთეულის შენობების შიდა და გარე სარემონტო სამუშაოების სახელმწიფო შესყიდვის სავარაუდო ღირებულება 91 000 ლარია. სატენდერო წინადადებების მიღება იანვრის ბოლოს დასრულდება
“უიმედობისა თუ სასოწარკვეთის მძიმე წუთებში სწორედ პატრიარქი ტვირთულობდა ჯვრის სიმძიმეს ” – შალვა პაპუაშვილი
საქართველომ დაკარგა სულიერი მამა, ჩვენი უწმინდესი პატრიარქი, რომელმაც თავისი ცხოვრების ყოველი წუთი და წამი მიუძღვნა ქრისტეს მსახურებას, სამშობლოს დაცვას და სამწყსოზე ზრუნვას, - ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს....
