ქუთაისის საზოგადოებრივ ტრანსპორტში მგზავრობის საფასურის გადახდა უკვე ელექტრონულად ბარათითაა შესაძლებელი . ახალი სისტემა ქუთაისში 17 მაისიდან დაინერგა. ამისათვის ყველა ახალ ავტობუსში შესაბამისი აპარატია დამონტაჟებული.
მგზავრები გადახდას შეძლებენ, როგორც ქალაქის სატრანსპორტო ბარათით, ასევე თიბისის ნებისმიერი საკრედიტო/სადებეტო ბარათით.
ქალაქის სატრანსპორტო ბარათის აღება მსურველებს შეუძლიათ როგორც თიბისის ფილიალებში, ასევე, ქალაქში მდებარე „სპარის“ და „დეილის“ ქსელურ მარკეტებში. სატრანსპორტო ბარათის ღირებულება 2 ლარს შეადგენს და მისი შევსება თიბისი ფეის სწრაფი გადახდის აპარატების მეშვეობითაა შესაძლებელი.
მგზავრობის გადასახადი როგორც ხელზე ისე ბართით უცვლელად 40 თეთრია. 15 ივნისიდან კი გარკვეულ სოციალური ჯგუფებისათვის, მათ შორის სტუდენტებისათვის შეღავათიანი ტარიფი ამოქმედდება. აღნიშნული შეღავათით სარგებლობისათვის კი პერსონიფიცირებული სატრანსპორტო ბარათები გაიცემა.
