- ქუთაისელი მევიოლინე კარნეგი ჰოლში დაჯილდოების ცერემონიასა და გალა-კონცერტზე ქართული, ტრადიციული სამოსით მივიდა. როგორც მევიოლინე სოციალურ ქსელში წერს მან ოცნება ახდენა.
“დღეს დიდი დღეა😍
როგორც,საერთაშორისო კონკურსის “Elite Music international competition”-ის 1 ადგილის მფლობელი,გალა-კონცერტი და დაჯილდოვება მაქვს კარნეგი ჰოლში.
ჩემი ოცნება იყო, რომ კარნეგი ჰოლში ქართული, ტრადიციული ტანსაცმლით გამოვსულიყავი მაყურებლის წინაშე და აი,ეს დღეც დადგა😍 ორმაგად საპასუხისმგებლოა ჩემთვის❤️
მიყვარხართ და მაძლიერებთ❤️
ესეც კარნეგი ჰოლის ცნობილი კულისები❤️😍” – წერს სოციალურ ქსელში ქუთაისელი გვანცა ბუცხრიკიძე.
ქუთაისელი გვანცა ბუცხრიკიძის წარმატებების შესახებ “მეგა ტვ” ხშირად გიყვებათ. მუსიკოსი ცოტა ხნის წინ ნიუ-იორკში, მანჰეტენის ორკესტრში სოლისტ მევიოლინედ აირჩიეს.
ქუთაისელი მევიოლინე ლონგ-აილენდის კონსერვატორიაში სწავლის პარალელურად მიწვეული ლექტორია.
გვანცა აქტიურად მონაწილეობს ამერიკის სხვადასხვა კლასიკური მუსიკის კონკურსში. ის არის კონკურსის “American international music competition” გამარჯვებული.
გვანცა ასევე არის გ ნიუ-იორკის საერთაშორისო კონკურსის გამარჯვებული.
გვანცა ბუცხრიკიძე ქუთაისში მ.ბალანჩივაძის #1 სამუსიკო სკოლაში, შემდეგ კი მ.ბალანჩივაძის სახელობის ცენტრალური სამუსიკო სასწავლებელში სწავლობდა. ქუთაისში მისი პედაგოგი ეკა გიორგაძე იყო. თბილისში კი პროფესორ მანანა ქანთარიას კლასი გაიარა.
