კლუბის “ბუდე” რეზიდენტები დღეს 4 ოქტომბერს ბერლინში დაუკრავენ.
ქუთაისელი დიჯეები ზაზა ფანჩულიძე – DJ ZAPA, მირიან გაზდელიანი – ØRIM და გიო დალაქიშვილი ბერლინელ მსმენელს თავიანთ მუსიკას შესთავაზებენ.
“ბუდეს” რეზიდენტები ბერლინში პირველი ოფიციალური მიწვევით კლუბში “რიტერ ბუზკე” და დაუკრავენ. საღამო დღეს 11:30 საათზე დაიწყება და 5 ოქტომბერს დილის 10:00 საათზე დასრულდება.
კლუბში ოთხი დენსორიდან ერთი “ბუდეს” სახელობის იქნება.
“ტექნო ნიშნავს მეგობრობას, ურთიერთგაგებას და სიყვარულს. პირველი შეხვედრები ხდება ჩაბნელებულ კლუბებში, ბნელ კუთხეებში და რათქმაუნდა ბევრი ბასლაინით.
ტექნოს სიყვარულმა და ცხოვრების სტილმა ჩვენი ორი სახლი უმოკლეს დროში ერთმანეთთან დაამეგობრა.
მიუხედავად დიდი მანძილისა ჩვენს შორის კარგი მეგობრობა შედგა და ჩვენთვის დიდი პატივია ვუმასპინძლოთ ტექნოს პიონერებს ქუთაისიდან. ეს სიტყვები უბრალო არ არის, ქუთაისი დღეს ამ სუბ-კულტურის დასაწყისშია და ჩვენ, RAGNARØK-ის დიჯეები ყოველ ჯერზე მოხარულები ვართ წარვადგინოთ ჩვენი მუსიკა და გავერთოთ იქაურ მსმენელთან ერთად.
ქუთაისიდან BUDE Records-ის არტისტებს ჩამოყვებათ 20 კაცამდე გულშემატკივრთა ჯგუფი, რომლებიც მხარს დაუჭერენ თავიანთ საყვარელ დიჯეებს.
ჩვენ ყველა ერთად გადავეშვებით ბერლინური ტექნოს მორევში.” – ვკითხულობთ RAGNARØK-ის მიერ ორგანიზებულ ივენთის აღწერაში.
“რიტერ ბუზკე” 1 500 ადამიანზეა გათვლილი.
