მძიმე და სისხლიანი ღამე გათენდა სირიაში. მას შემდეგ, რაც რუსეთის მიერ მხარდაჭერილი სირიის მთავრობის საჰაერო თავდასხმებს იდლიბის პროვინციაში სულ მცირე 33 თურქი სამხედრო ემხვერპლა, ხოლო 36 დაჭრა, თურქეთი შეტევაზე გადავიდა, თურქები ბომბავდნენ და ანადგურებენ პრაქტიკულად ყველა სამიზნეს.
ცნობილია, რომ იდლიბის პროვინციის ძირითად პოზიციებზე რუსეთის დახმარებით სირიის მთავრობის ჯარებმა კონტროლი რამდენიმე დღის წინ დაამყარეს. მას შემდეგ თურქეთმა ოპოზიციის მხარდასაჭერად რეგიონში საკუთარი სამხედრო ყოფნა გააძლიერა.
haqqin.az _ის ცნობით თურქეთის საპრეზიდენტო ადმინისტრაციის ურთიერთობების განყოფილების უფროსმა განაცხადა:
”ჩვენი არმია იყენებს თვითმფრინავებს და სახმელეთო ძალებს სირიის არმიის სამიზნეებზე გასროლების მიზნით”, – თქვა ალტუნმა და დასძინა, რომ პასუხი ”მრავალჯერადი” იქნება.
”დარტყმას მიაყენებს ყველა რეჟიმის მიერ აღმოჩენილ მიზნებს,” – თქვა მან და აღნიშნა, რომ თურქეთი ვერ იქნება გულგრილი წარსულში მომხდარ მოვლენებზე, რომელიც მოხდა რუანდაში და ბოსნიაში”.
მისი თქმით, ანკარა მოუწოდებს მთელ საერთაშორისო საზოგადოებას, მათ შორის ასტანას პროცესის მხარეებს, შეასრულონ სირიის მოგვარებასთან დაკავშირებით ნაკისრი ვალდებულებები.
ამასთან, თურქეთის ხელისუფლება “ნატოს” ოფიციალურად მიმართავს, აამოქმედოს ალიანსის მე-5 მუხლი, რის მიხედვითაც ნატოს ერთ წევრზე თავდასხმა ნიშნავს თავდასხმას ნატოს წევრ ყველა ქვეყანაზე. – ამის შესახებ თურქეთის მმართველი პარტიის “სამართლიანობა და განვითარების” პრეს-სპიკერმა ომერ ჩელიკმა განაცხადა.
მმართველი პარტიის ინფორმაციით, თურქეთის რესპუბლიკამ უკვე დაიწყო კონსულტაციები ნატოსთან.
“ჩვენ ამ თავდასხმას განვიხილავთ, როგორც თავდასხმას მთელს ცივილიზებულ მსოფლიოზე და ნატოს წევრ ქვეყნებზე. ჩვენ ველოდებით ტოტალურ რეაქციას” – განუცხადა ომერ ჩელიკმა CNN Turk.-ს
ასადის რეჟიმის სამხედრო ძალებმა, იდლიბის პროვინციაში განლაგებული თურქული სამხედრო კოლონა დაბომბა. BBC-ს ცნობით დაიღუპა სულ მცირე 33 თურქი სამხედრო მოსამსახურე.
შეერთებული შტატები შეშფოთებულია სირიის იდლიბის რეგიონში თურქ ჯარისკაცებზე განხორციელებული თავდასხმის შესახებ გავრცელებული ინფორმაციით და ნატოელ მოკავშირე თურქეთს მხარდაჭერას უცხადებს, – ამის შესახებ აშშ-ის სახელმწიფო დეპარტამენტის მიერ გავრცელებულ განცხადებაშია ნათქვამი.
„ჩვენ ჩვენი ნატოელი მოკავშირე თურქეთის გვერდით ვდგავართ და მოვუწოდებთ ასადის რეჟიმს, თურქეთსა და ირანის მიერ მხარდაჭერილ ძალებს, დაუყოვნებლივ შეწყდეს ეს ამაზრზენი თავდასხმა,“- ნათქვამია სახელმწიფო დეპარტამენტის მიერ გავრცელებულ განცხადებაში.
თურქეთის ჰატაის პროვინციის ადგილობრივი ხელისუფლების ინფორმაციით, სირიის ძალების მიერ იდლიბის რეგიონში განხორციელებულ ავიაიერიშს 33 თურქი ჯარსიკაცის სიცოცხლე ემსხვერპლა. მანამდე კი ვრცელდებოდა ინფორმაცია 29 თურქი სამხედროს დაღუპვის შესახებ
