“სიკვდილში და სიყვარულში არ არსებული”…
ჩემი პირველი პარტნიორი, საოცარი ადამიანი….
ჩემი ბატონი ვაჟა აღარ არის.” – მესხიშვილის თეატრის მსახიობი ენდი ძიძავა ფეისბუკზე და ვაჟა ოყრეშიძეს იხსენებს.
ღვაწლმოსილი მსახიობი, საქართველოს დამსახურებული არტისტი, ქუთაისის საპატიო მოქალაქე, ღირსების ორდენის კავალერი ვაჟა ოყრეშიძე 78 წლის ასაკში გარდაიცვალა. მას ბოლო პერიოდში ჯანმრთელობის პრობლემები ქონდა.
მსახიობი 1941 წლის 3 ოქტომბერს ქუთაისში დაიბადა, ის მესხიშვილის თეატრში 1970 წლიდან მოღვაწეობდა.
ვაჟა ოყრეშიძეს არაერთი როლი აქვს შესრულებული, ასევე გადაღებულია მხატვრულ ფილმებში; “აქედანა და შენამდე”, “ვერსათრიელა”, “ბაკულას ღორები”.
ვაჟა ოყრეშიძე ქუთაისში ცნობილი მსახიობთა სახლის ბინადარი იყო.
https://m.facebook.com/story.php?story_fbid=10221322482677672&id=1416177436
”60 წელი თეატრში…
მესხიშვილის თეატრი ემშვიდობება ქუთაისის დიდი თეატრალური ოჯახის ღირსეულ წევრს, ამაგდარ ხელოვანს, ქუთაისის თეატრის ისტორიის მემატიანეს, საყვარელ მსახიობს, კოლეგას და უფროს მეგობარს, ბატონ ვაჟა ოყრეშიძეს.
ვაჟა ოყრეშიძე – საქართველოს დამსახურებული არტისტი, ღირსების ორდენის კავალერი, ,,ღვაწლმოსილი ქუთაისელის’’ საპატიო სიგელის მფლობელი, დაიბადა 1941 წლის 3 ოქტომბერს ქ. ქუთაისში. მამა – სერგო ოყრეშიძე, თეატრის რეჟისორი, მოღვაწეობდა ქუთაისის მესხიშვილის თეატრში, სადაც 1939-1949 წლებში დადგა 24 სპექტაკლი. ბატონი ვაჟა ბავშვობიდან დაკავშირებული იყო თეატრთან, ცხოვრობდა და იზრდებოდა თეატრალურ გარემოცვაში, რამაც საბოლოოდ განსაზღვრა მისი პროფესიული არჩევანი.
1967 წელს ვაჟა ოყრეშიძემ დაამთავრა ქუთაისის პედაგოგიური ინსტიტუტის ფილოლოგიის ფაკულტეტი, მაგრამ თეატრი იყო მისი მოწოდება და მიუძღვნა კიდეც მთელი ცხოვრება თეატრის მსახურებას. 1960 წლის იანვრიდან სიცოცხლის ბოლომდე მოღვაწეობდა მესხიშვილის სახ. სახელმწიფო დრამატულ თეატრში მსახიობად.
ვაჟა ოყრეშიძე 78 წლის ასაკში გარდაიცვალა. მისი სახელი სამუდამოდ დარჩება მესხიშვილის თეატრის ისტორიაში, ნათელი ხსოვნა კი კოლეგების და მეგობრების გულებში.
ექვსი ათეული წლის მანძილზე, ვაჟა ოყრეშიძემ მესხიშვილის თეატრის სცენაზე განასახიერა 100-ზე მეტი როლი.” – ვკითხულიბთ თეატრის ოფიციალურ გვერდზე.
