ქუთაისში ქალაქის ძველ ნაწილში მანქანებით გადაადგილების აკრძალვის ინიციატივით გამოდიან . ამის შესახებ პოსტს აკაკი წერეთლის სახელმწიფო უნივერსიტეტის გერმანული ფილოლოგიის დეპარტამენტის პროფესორი ნუგეშა გაგნიძე ავრცელებს.
“ქუთაისის ცენტრში, კერძოდ, ქალაქის ძველ ნაწილში, უფრო კონკრეტულად – თეთრი ხიდის, პირველი და მესამე სკოლების მიმდებარე ტერიტორიაზე, აიკრძალოს მანქანებით მოძრაობა და პარკირება! ევროპელობა რომ გვინდა, ევროპაში ქალაქის ძველი უბნები ფეხით მოსიარულეთა ზონაა. ამას ემატება ორი სკოლა უამრავი ბავშვით – სახიფათოა! აქვეა კვების ობიექტები, რომლებიც სავსეა სტუმრებით. ძველი მანქანების გამონაბოლქვი, სამ და ოთხ რიგად ჩაყენებული მანქანები ძალიან უბადრუკ სურათს ქმნის. ვისაც ხელეწიფება, იზრუნოს ამ საკითხზე! გთხოვთ და მადლობა მას, ვინც ამას მოაგვარებს!”-წერს ნუგეშა გაგნიძე.
გაგნიძის ინიციატივას მოქალაქეთა ნაწილი მხარდაჭერას უცხადებს.
“ნუგე, 100%-ით გეთანხმები. რამდენჯერ მიფიქრია მაგაზე და რამდენიმე წლის წინ მეც დავწერე. მერე რამდენიმემ მომწერა, სულ აკრძალვებზე როგორ წერო :)) მართალია, ევროპულ ქალაქებში, ასეთ ქუჩებზე ფრხით დადიან და უფრო მეტადაა განვითარებული ტურისტული ინფრასტრუქტურა. ახლა საკითხავი ისაა, ვინც ამაზე უნდა მიიღოს გადაწყვეტილება, მართლა უნდა ევროპა ვიყოთ თუ არა 
“-წერს ჟურნალისტი ქეთი ბერძენიშვილი.
