სამტრედიაში „ემბისი“-ს (მიკროსაფინანსო ორგანიზაცია მიკრო ბიზნეს კაპიტალი) სერვის ცენტრის გახსნა . ღონისძიებას კომპანიის თანამშრომლები, მომხმარებლები, ადგილობრივი ხელისუფლების, ბიზნესისა და საფინანსო სექტორების წარმომადგენლები ესწრებოდნენ.
„ემბისი“-ს სერვის ცენტრი სამტრედიაში ჯავახიშვილის #7-ში მდებარეობს და მუნიციპალიტეტის მაცხოვრებლებს მაქსიმალურად მათზე მორგებული ფინანსური სერვისების ფართო არჩევანს სთავაზობს. კომპანიის უმთავრესი მიზანია მცირე მეწარმეებისა და ფერმერებისთვის ხელმისაწვდომი ფინანსური პროდუქტების შექმნა, მომხმარებლებთან გრძელვადიანი და გამჭვირვალე ურთიერთობის დამყარება და ამ გზით, ქვეყნის სოციალურ-ეკონომიკური განვითარების ხელშეწყობა.
აქედან გამომდინარე, „ემბისი“-ში განსაკუთრებული პირობებია სასოფლო სამეურნეო და ბიზნეს საქმიანობაში ჩართული პირებისთვის. გამარტივებული პროცედურებითა და მინიმალური დოკუმენტაციით კომპანია 100 000 ლარამდე ბიზნეს, აგრო და სტარტაპ სესხებს გასცემს. შესაძლებელია როგორც უზრუნველყოფილი ასევე უგირავნო სესხებით სარგებლობა. გადახდის გრაფიკი მაქსიმალურადაა მორგებული მომხმარებლის ინტერესებსა და საჭიროებებს, სესხის მაქსიმალური ვადა კი 120 თვე გახლავთ.
ამას გარდა, „ემბისი“-ში ავტო და იპოთეკური სესხებით სარგებლობაცაა შესაძლებელი. კომპანია, პირობების გაუმჯობესებისა თუ თანხის დამატების მიზნით, მომხმარებლებს სხვა საფინანსო ორგანიზაციებიდან პორტირებასაც სთავაზობს.
„ემბისი“-ს სერვის ცენტრის მომხმარებელს საშუალება აქვს ისარგებლოს ვალუტის გადაცვლის საუკეთესო კურსით, გადაიხადოს კომუნალური და სხვა სახის გადასახადები საუკეთესო ტარიფით, ასევე გაანაღდოს ან გააგზავნოს ფულადი გზავნილები ყოველგვარი რიგისა და დაყოვნების გარეშე.
სამტრედიის სერვის ცენტრი ადგილობრივი კადრებითაა დაკომპლექტებული. კომპანია ამჟამადაც ღიაა დასაქმებისა თუ სტაჟირების გავლის მსურველთათვის.
„ემბისი“ საქართველოს მასშტაბით 13 ქალაქში 17 სერვის ცენტრითაა წარმოდგენილი. სამტრედიის გარდა, კომპანიის მომსახურების მიღება შესაძლებელია: თბილისში, ქუთაისში, ზესტაფონში, ზუგდიდში, ბათუმში, ახალციხეში, გორში, რუსთავში, მარნეულში, თელავში, ლაგოდეხსა და გურჯაანში.
