„სამი რომანი“ – ქუთაისში აფხაზეთის ომის ვეტერანის, ჟურნალისტისა და მწერლის ბესო ჩუბინიძის წიგნის პრეზენტაცია გაიმართა. 27 თებერვალს მწერალი საზოგადოებას „ქუთაისის უნივერსიტეტში” შეხვდა.
“სამი რომანი” თბილისის, აფხაზეთისა და სამაჩაბლოს ომის სინამდვილეზეა. “მამის ლოცვა”, “უკან მომავალში”, “ღიმილის ბიჭები” – სამი რომანია ერთ წიგნად. თქვენი თანამედროვე გმირის თავგადასავალი საქართველოსთვის ბრძოლაში.იცოდე შენი შენი ქვეყნის ნამდვილი ისტორია” – ასეთია წიგნის აღწერა, რომლის პრეზენტაციაც ქუთაისში შედგა.
“აი, ასე სტანდარტულად შეიძლებოდა დარჩენილიყო ეს სათაური, რომ არა ის ქალაქი, ის ხალხი და ის გარემო, რომელიც როგორც წესი მე ქუთაისში ყოველი ვიზიტის დროს მხვდება ხოლმე– ამიტომაც რა გამომილევს სამადლობელს….
ქუთაისელი ქორეოგრაფის, „მეგა კაცის“ ანსამბლ „ერისას“ ხელმძღვანელის პაატა ქარქაშაძის დამსახურებით „ქუთაისის უნივერსიტეტმა“ მიმასპინძლა დღეს და აი, ასეთი დაუვიწყარი შეხვედრა გამოგვივიდაყველაზე მთავარი იცით რა არის? ის, რომ ამ დარბაზში თაობა გადაკვეთა იყო – ქუთაისის ნამდვილ კოლორიტებთან ერთად, ქუთაისელი ყმაწვილი გოგო-ბიჭებიც შეკრებილიყვნენ და ერთნაირი მონდომებით უსმენდნენ ჩემს მონათხრობს… აი, ეს იყო ყველაზე დიდი გამარჯვება!თბილი სიტყვებისთვის, მადლობის მეტი ახლა და ამ წუთას არაფრის თქმა არ შემიძლია – ჩემი ნათია ჯიმშელეიშვილი (რომელიც სხვათაშორის 2018 წელს ჩემი 1-ლი წიგნის პრეზენტაციის ავტორი იყო ქუთაისში), ვაჟა ჯუღელი, მერაბ კვიცარიძე, ლევან როხვაძე, ჩემი მანუჩარ კაჭახიძე (რომელიც თავის 2 ტყუპ ძმასთან ერთად მეწვია)სიტყვის გამოსვლა ყველამ ვერ მოახერხა, მაგრამ როცა დარბაზი აქტიურადაა ჩართული თემის განხილვაში, ამაზე დიდი ბედნიერება წიგნის ავტორისთვის არაფერია – ჩემი მამა ექვთიმე, ჩემი დათო ღაღანიძე, ჩემი ტკბილი ქალბატონი ინეზა, ჩემი ულამაზესი კრისტინე და ის ხალხიც, რომელიც ამ დღეს პირველად გავიცანი მაძლევდნენ, მაძლევენ სტიმულს და ალბათ მომავალშიც ასე იქნება, რომ უბრალოდ – არ დავიღალოგანსაკუთრებულად ემოციური ემიგრანტების შვილებთან შეხვედრა, მათი ოჯახის სხვა წევრები და უბრალოდ ის ადამიანები იყვნენ ვინც LIVE-ში უყურებდნენ ამ ყველაფერსემოციის პიკი კი ალბათ ის იყო, რომ ბ-ნი გია ტკვაციარიასგან (იმერეთის, რაჭა-ლეჩხუმ, ქვემო სვანეთის ქორეოგრაფთა კავშირის თავმჯდომარე) ლევან როხვაძის ხელით გადმომეცა წმინდა გიორგის ახლადდაწერილი ხატიგადაღლილობის გამო, ამ პოსტში ყველას ვერ გადავუხადე მადლობა, მაგრამ კიდევ მაქვს ამისთვის დრო მომდევნო დღეებში… ახლა, უბრალოდ ეს ემოცია, რომ არ გამესაჯაროვებინა არ შემეძლო
მადლობა ქუთაისო” – წერს ბესო ჩუბინიძე სოციალურ ქსელში.
