რუსეთ-უკრაინას შორის მოლაპარაკების მეორე რაუნდი ბელარუსში, ბრესტის რეგიონში, კიევის დროით 14:00 საათზე (თბილისის დროით 16:00) გაიმართება. ამის შესახებ ინფორმაციას pravda.com ავრცელებს.
რუსეთის ფედერაციის პრეზიდენტის თანაშემწემ ვლადიმერ მედინსკიმ განაცხადა, რომ უკრაინასთან მოლაპარაკებებში „რუსული წინადადებების“ ბლოკი შედგება სამხედრო-ტექნიკური, ჰუმანიტარულ-საერთაშორისო და პოლიტიკური ნაწილებისგან.
უკრაინის მხრიდან დელეგაციის წევრები არიან ფრაქცია „ხალხის მსახურის“ ლიდერი დავით არახამია, უკრაინის თავდაცვის მინისტრი ოლექსი რეზნიკოვი, პრეზიდენტის ადმინისტრაციის უფროსის მრჩეველი მიხაილო პოდოლიაკი, უკრაინის დელეგაციის ხელმძღვანელის პირველი მოადგილე ანდრეი კოსტინი და რადას დეპუტატი რუსტემ უმეროვი.
რაც შეეხება რუსულ მხარეს, დელეგაციის წევრები არიან რუსეთის ელჩი ბელარუსში ბორის გრიზლოვი, დეპუტატი ლეონიდ სლუცკი, რუსეთის საგარეო საქმეთა მინისტრის მოადგილე ანდრეი რუდენკო, რუსეთის თავდაცვის მინისტრის მოადგილე ალექსანდრ ფომინი.
მანამდე, პუტინის სპიკერმა დიმიტრი პესკოვმა განაცხადა, რომ კრემლს აქვს საფუძველი იფიქროს, რომ უკრაინის დელეგაცია აჭიანურებს მოლაპარაკებებს.
