ბუნებრივი გაზი ძალიან სახიფათოა. მისი მოხმარება დაკავშირებულია სამ ძირითად საფრთხესთან:
• აფეთქება
• ხანძარი
• გაგუდვა (მოწამლვა ნახშიროჟანგ CO-თი)
“შრომის უსაფრთხოების სპეციალიტი” ფეისბუკ გვერდზე აქვეყნებს პოსტს თუ როგორ რა არის გაზის აფეთქება და როგორ უნდა დაიცვათ თავი მისგან:
“აფეთქება – გაზს, რომელსაც ჩვენ ვეძახით ბუნებრივს, ჰქვია მეთანი. მილების მეშვეობით ის მოგვეწოდება სახლში ან საწარმოში.
ამ გაზს, სპეციალურ სადგურზე უმატებენ ოდორანტს, საშინლად მყრალ ნივთიერებას, ზუსტად იმისთვის, რომ გაჟონვის შემთხვევაში აღმოვაჩინოთ მისი კონცენტრაცია ჰაერში.
გაზი შეიძლება გამოვიდეს გახსნილი გაზქურიდან ან გაჟონოს დაზიანებული მილიდან ან შლანგიდან
დახურულ სივრცეში (ოთახში) მისი დაგროვება ძალიან საშიშია, თუმცა ჯერ კიდევ შეიძლება აფეტქების თავიდან აცილება
დაიმახსოვრეთ! დაგროვებულ გაზს აფეთქებს ნაპერწკალი.
ნაპერწკალს კი წარმოშობს შუქის ჩართვა, მობილური ტელეფონით სარგებლობა და რა თქმა უნდა ღია ცეცხლი, სიგარეტი, სანთებელა, ასანთი.
ნაპერწკლის გარეშე გაზი არ ფეთქდება!
აქედან გამომდინარე, არსებობს უსაფრთხოების ოთხი ძირითადი წესი:
1. თუ ოთახში (ბინაში, სამზარეულოში, ოფისში, საწარმოში, სადარბაზოში) გრძნობთ გაზის სუნს, არავითარ შემთხვევაში არ ჩართოთ ელექტროობა, არ ჩართოთ ფანარი, არ ისარგებლოთ მობილური ტელეფონით, არ აანთოთ ასანთი და არ მოწიოთ!
2. გააღეთ ყველა ფანჯარა და კარი, გააკეთეთ ორპირი! გაზი ჰაერზე მსუბუქია და უმოკლეს დროში გავა ოთახიდან
3. ეცადეთ დაკეტოთ გაზის ონკანი ( თუ იცით სად არის)
4. გადით სახიფათო ადგილიდან და სასწრაფოდ დარეკეთ 114 ( თბილისის გაზის საავარიოს ცხელი ხაზი) და 112. ოპერატორს მაქსიმალურად ზუსტად გადაეცით მისამართი, რათა სპეციალურმა სამსახუერბმა შეძლონ დროულად და ზუსტად მოსვლა.
ეს ელემენტარული წესებია, მათი ცოდნა გადაგარჩენთ!” – წერს შრომის უსაფრთხოების სპეციალიტი.
