სოფელ კურსებში განვითარებულ მეწყრულ პროცესებტან დაკავშირებით გარემოს ეროვნული სააგენტო განცხადებას ავრცელებს.
“გარემოს ეროვნული სააგენტოს სპეციალისტები ტყიბულის მუნიციპალიტეტში, სოფელი კურსებში რჩებიან და როგორც სტიქიის ზონაში, ისე მის მიმდებარე ტერიტორიებზე ადგილზე სწავლობენ ვითარებას.
მუნიციპალიტეტთან კომუნიკაციით გეოლოგების ჯგუფები აგრძელებენ ყოველი კონკრეტული ოჯახის შეფასებას, არა მარტო მეწყრის მიმდებარე დასახლებაში, არამედ სოფლის დანარჩენ ტერიტორიაზე.” – ნათქვამია გარემოს ეროვნული სააგენტოს მიერ გავრცელებულ განცხადებაში.
კურსებში მეწყერი 12 მარტის გამთენიას განვითარდა. მეწყერმა თითქმის 58 ჰექტარი დააზიანა, დანგრეული 10-ზე მეტი საცხოვრებელი სახლი. სოფლიდან 45 ოჯახის ევაკუაცია განხორციელდა. ისინი ამ დრომდე ქუთაისისა და ტყიბულის სასტუმროებში რჩებიან.
სტიქია სოფელ კურსებში – ფოტორეპორტაჟი
