რიგით მე2 ონლაინ პრესკონფერენციის ფარგლებში ჟურნალისტებს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით”მედიის ქვე-გრანტების კონკურსის შედეგები გააცნეს.
კულტურულ-ჰუმანიტარული ფონდი „სოხუმი“ ფინანსურად უზრუნველყოფს სულ 16 პროექტს, რომლებიც 8 სამიზნე მუნიციპალიტეტში ხორციელდება:
იმერეთში: ხონის, ვანის, თერჯოლისა და ბაღდათის მუნიციპალიტეტები;
გურიაში: ოზურგეთის და ლანჩხუთის მუნიციპალიტეტები;
რაჭა-ლეჩხუმში: ამბროლაურის და ცაგერის მუნიციპალიტეტები.
საბოლოო ჯამში ყოველ სამიზნე მუნიციპალიტეტში განხორციელდება ორ-ორი პროექტი. პროექტების ხანგრძლივობა არ აღემატება 3 თვეს და მათი რეალიზაცია დასრულდება 2020 წლის 31 აგვისტომდე.
პროექტების განხორციელებაში აქტიურად იქნებიან ჩართული გურიის, იმერეთისა და რაჭა-ლეჩხუმის სამოქალაქოსაზოგადოების ორგანიზაციების საერთო ფორუმის წევრი ორგანიზაციების წარმომადგენლები, სამოქალაქო აქტივისტები და მოხალისეები.
პროექტების გახორციელება მიზნად ისახავს::
- ადგილობრივი სამოქალაქო საზოგადოების ორგანიზაციების გაძლიერებასა დაგანვითარებას;
- ადგილობრივი მოსახლეობის ინფორმირებულობის ამაღლებას საჯარო მმართველობის რეფორმის შესახებ და სამოქალაქო საზოგადოების მონაწილეობას გადაწყვეტილების მიღების პროცესში;
- მუნიციპალიტეტებში საჯარო მმართველობის ელექტრონული რესურსების გამოყენების განვითარების ხელშეწყობას.
