ქუთაისის ბიუჯეტი 7 მილიონით იზრდება. როგორც ქუთაისის მერიის საფინანსო პოლიტიკისა და სახელმწიფო შესყიდვების სამსახურისუფროსმა დავით ნიშნიანიძემ ჟურნალისტებთან საუბრისას განაცხადა მიმდინარე წელს ბიუჯეტი 54 მილიონი ლარის შეადგენს, მომავალ წელს კი 7 მილიონიანი ზრდა ქონებისა და დღგ-ს ხარჯზე მოხდება.
მისივე თქმით 2020 წლის პრიორიტეტული მიმართულებებიდან ინფრასტრუქტურისთვის 12 მილიონი ლარი, ჯანდაცვა და სოციალური უზრუნველყოფისთვის 5 მილიონ 187 ლარი გამოიყოფა.
როგორც დავით ნიშნიანიძემ განაცხადა ძირითადი პროექტი, რომელიც ადგილობრივი ბიუჯეტიდან დაფინანსდება ბალახვნის 100 საფხეყრიანი კიბის რეაბილიტაცია იქნება.
ქუთაისის 2020 წლის ბიუჯეტის პროექტის მოცულობა 61 032 200 ლარია.
ქალაქ ქუთაისის მუნიციპალიტეტის 2020 წლის ბიუჯეტის შემოსავლების მაჩვენებელი
54,936.2 ათასი ლარით განისაზღვრა, გადასახადების მაჩვენებელი კი 44868,1 ათასი ლარით.
ქუთაისის მერის განცხადებით, ბიუჯეტის პროექტში პრიორიტეტული 2020 წლისათვის ინფრასტრუქტურის მშენებლობა, რეაბილიტაცია და ექსპლუატაცია, ეკონომიკის განვითარების ხელშეწყობა, გარემოს დაცვა, განათლება, კულტურა, რელიგია, ახალგაზრდობა და სპორტი, ჯანმრთელობის დაცვა და სოციალური უზრუნველყოფა იქნება.
საკრებულომ ბიუჯეტის პროექტი 25 ნოემბრამდე უნდა განიხილოს და ამის შემდეგ შესწორებებითა და რეკომენდაციებით კვლავ მერიას დაუბრუნოს. მერია ვალდებულია, რომ გადამუშავებული ბიუჯეტი საკრებულოში 10 დეკემბრამდე წარადგინოს
