საქსტატის მონაცემებით, 2025 წლის ოქტომბერში წინა თვესთან შედარებით ინფლაციის დონემ საქართველოში 0.6%, ხოლო წლიური ინფლაციის დონემ 5.2 % შეადგინა.
რაც შეეხება საბაზო ინფლაციას, ოფიციალური სტატისტიკის მიხედვით, აღნიშნულმა მაჩვენებელმა 2025 წლის ოქტომბერში, გასული წლის შესაბამის პერიოდთან შედარებით 2.7 % შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 2.4%-ით განისაზღვრა.
როგორც სტატისტიკის ეროვნული სამსახურის მონაცემებიდან ჩანს, საანგარიშო პერიოდში ყველაზე მეტად გაძვირებულ პროდუქტებს შორის ძირითადად სოფლის მეურნეობის პროდუქცია ჭარბობს.
უფრო კონკრეტულად, საქსტატზე დაყრდნობით წლიურად ყველაზე გაძვირებული პროდუქტების ათეულია:
- ქლიავი – 109%
- მსხალი – 60%
- ლიმონი – 59.5%
- მწვანე ლობიო – 52%
- კიტრი – 50%
- ქორწინების 958 სინჯის ოქროს ბეჭედი – 43%
- ატამი -39%
- საზამთრო – 37%
- შოკოლადის ფილა – 32%
- ნაყინი – 26%
