გლობალურ ბაზრებზე ბოლო ვაჭრობის შედეგად ოქროს ფასი გაიზარდა. Gold Price-ის მონაცემებით, 1 უნცია ოქროს საორიენტაციო ფასი ამჟამად 4 219 დოლარია.
აღსანიშნავია, რომ ერთი დღის ჭრილში ფასი გაზრდილია 1.51%-ით, ბოლო ერთ თვეში ფასის მატებამ 3.84% შეადგინა, წლიურად კი ოქროს ფასები 57%-იან გაძვირებას აჩვენებს.
ძვირფას ლითონზე ფასების მატება აისახა საქართველოს ბაზარზეც. კერძოდ, ერთი დღის ჭრილში ფასები 3 ლარით არის გაზრდილი.
ასე მაგალითად, 1 გრამი 999 სინჯის ოქროს ფასი ბირჟებზე დღეს 375 ლარია, 28 ნოემბერს კი ამავე სინჯის ოქრო ბირჟებზე დაახლოებით 372 ლარის ფარგლებში იყო.
