გიორგი ლაღაძის მშობლიური სკოლა ასე გამოეთხოვა:
” გიორგი (გიო)ლაღაძის ხანმოკლე სიცოცხლის ტრაგიკულმა დასასრულმა შეძრა შენი მშობლიური სკოლის პედაგოგთა გულები. სიტყვები უძლურია იმ მწუხარების გამოსახატავად, რასაც თითოეული ჩვენთაგანი განიცდის ჩვენი ლამაზთვალება, ღიმილის ბიჭის დაღუპვის გამო.
გიო, ჩვენს თვალწინ გაირბინა შენმა ბავშობამ. თავაზიანი, ზრდილი, კეთილი, სიცოცხლეზე, სამყაროსა და ადამიანებზე უზომოდ შეყვარებულს მხოლოდ 23 წლით გაგისაზღვრა განგებამ სიცოცხლის დრო. ყველაფერი მოასწარი სტუდენტი გახდი, სიყვარულით შექმენი ოჯახი, ორ შვილს ზრდიდი და… საბედისწერო ავარია, შიში… იმედი… შენი გადარჩენით გამოწვეული სიხარული და მოულოდნელი თავზარდამცემი ამბავი, რომელსაც სიტყვებით ვერ გამოხატავ.
დღეს, უკანასკნელ გზაზე გაგაცილებთ. ჩვენთან არ იქნები, მაგრამ ჩვენს გულებში კი 23 წლის ლამაზთვალება ბიჭად დარჩები და მუდამ იცოცხლებ…”<
