დაკავებულ ნეონაცისტური ჯგუფის წევრებს შორის სკოლის მოსწავლე გოგონებიც არიან . დაკავებულია ორი გოგო, რომელთაგან ერთ-ერთი 12 წლისაა.
ის, რომ აღნიშნული საქმის ფარგლებში ხელბორკილები გოგოებსაც დაადეს, ეს ჩანს შსს-ს მიერ გავრცელებულ კადრებშიც.
დააკავეს 16 პირი, მათ შორის ძირითადი არასრულწლოვანია. გამოძება დაწყებულია ჯგუფური ძალადობის ორგანიზების მუხლით. ჩემი დაცვის ქვეშ მყოფი დუმილის უფლებას იყენებს ჯერჯერობით. ხვალ ბრალს წარუდგენენ, მასალებს გადმოგვცემენ და დამატებით შეგვეძლება შემდგომ საუბარი. ჩემი დაცვის ქვეს მყოფი უკვე არის 18 წლის, 31 დეკემბერს გახდა 18 წლის, მაგრამ როგორც გვეუბნებიან, და ჩვენ როგორც ვიცით, როდესაც დანაშაული მოხდა, არასრულწლოვანი იყო. დანარჩენს დეტალებზე საქმიდან გამომდინარე ვერ ვისაუბრებ, მასალებს გავეცნობი და შემდეგ შემეძლება.
ჩემმა კლიენტმა ჩემთან ისაუბრა საქმის დეტალებზე, რომელსაც სამწუხაროდ, მე თქვენთან ვერ ვისაუბრებ, რადგან ჩვენი სტრატეგია უნდა მოვიფიქრო და იმას უნდა მივყვეთ. როგორც მე ვიცი დაკავებულებს შორის არიან გოგონებიც, და მათ შორის არასრულწლოვანები გოგოები”, – ამბობს ადვოკატი.
ცნობისთვის, რამდენიმე წუთის წინ, ცნობილი გახდა, რომ შსს-მ რადიკალური ფაშისტური დაჯგუფების 16 წევრი დააკავა – მათ შორის 10 არასრულწლოვანია.
გამოძიებით დადგინდა, რომ დაკავებულები განსაკუთრებული სისასტიკით ძალადობდნენ სხვადასხვა ასაკის პირებზე, მათ ვიდეოებს უღებდნენ და სხვადასხვა ინტერნეტ-პლატფორმაზე აქვეყნებდნენ.
ჯამში დაზარალებულია 10-ზე მეტი პირი, მათ შორის 4 არასრულწლოვანი.
