უძრავი ქონების მსოფლიო ბაზარზე, უნიკალური შემოთავაზება გამოჩნდა – მსოფლიოში პირველი წყალზე მოტივტივე ქალაქი, რომელიც კარიბის ზღვაში პროექტის Blue Estate ფარგლებში აშენდება. ეს არის ხელოვნური კუნძული, რომელიც სიგრძეში 1,5 სიგანეში კი 1 კილომეტრი იქნება. მშენებლობა 2022 წელს დაიწყება, ხოლო დასრულება 2025 წელს იგეგმება.
ხელოვნურ კუნძულზე ბინების გაყიდვა უკვე დაწყებულია. ფასები დიაპაზონი კი საკმაოდ ფართოა. ზღვაში აშენებულ ქალაქში, სტუდიოს ტიპის ბიუჯეტური ბინის ღირებულება 20 ათასი დოლარია, ხოლო ფეშენებელური ვილების ფასი დაახლოებით 1.5 მილიარდი დოლარია
პროექტის ავტორების თქმით, წყალში მოტივტივე კუნძულზე 15 000 ათასი მუდმივი მაცხოვრებელი დაიდებს ბინას. ასევე, ქალაქში განთავსდება ბიზნესი, თანამედროვე სამედიცინო კლინიკა და სკოლა.
შემქმნელების თქმით, ზღვის ქალაქში დაგეგმილია უამრავი გასართობი ობიექტის აშენება, განვითარებული ინფრასტრუქტურა მცხოვრებლებს თავს ისე აგრძნობინებს, როგორც ნამდვილი ხმელეთის მეგაპოლისში.
ხელოვნური კუნძულის თავისი მასშტაბურობიდან და ზომებიდან გამომდინარე, დაცული იქნება ნებისმიერი რყევებისგან. ასევე, პროექტის ინჟინრების გადაწყვეტილებით, აშენდება 50 მეტრი სიმაღლის კედელი, რომელიც ქალაქს ტალღებისა და შტორმისგან დაიცავს. მოტივტივე ქალაქის კიდევ ერთი უპირატესობა მისი მანევრირების შესაძლებლობა იქნება, ბუნებრივი კატასტროფების დროს, მას უსაფრთხო ადგილას გადანაცვლება შეეძლება.
გარდა იმისა, რომ ქალაქში ენერგიას განახლებადი წყაროებიდან გამოიმუშავებენ, ის ნამდვილი სამოთხე იქნება ბიზნესის კეთებისთვისაც – ზღვაში მოტივტივე ქალაქში არსებული კომპანიები გადასახადებისგან გათავისუფლდებიან.
პროექტის დასრულების სავარაუდო დრო 2025 წელია.
