შილაკი ბოლო პერიოდში აქტუალობას არ კარგავს. მეტიც, მან ფაქტობრივად ჩაანაცვლა ჩვეულებრივი მანიკიური და გამოირჩევა სიმდგრადითა და ხანგრძლივობით. მათთვის, ვინც დროის სიმცირიდან გამომდინარე, ვერ ახერხებს სალონში სტუმრობას, „მარაომ“ შეაგროვა აპრობირებული მეთოდი შილაკის სახლში დამოუკიდებლად მოსაცილებლად.
შილაკის მოსაცილებლად დაგჭირდებათ:
- ბამბა
- ფოლგა და სპეციალური თითის ფორმის სილიკონის ხუფები
- აცეტონის შემცველი სითხე
- მეტალის ფუშერი
- ქლიბი
- პირველ რიგში, მოიცილეთ შილაკი ცალი ხელიდან და შემდგომ გადადით მეორე ხელზე – ასე ბევრად მოსახერხებელია
- ბამბა დაანაწევრეთ 10 ნაწილად, დაასველეთ აცეტონის შემცველ სითხეში, დაიტანეთ თითზე და სილიკონის ხუფებით დააფიქსირეთ. დატოვეთ 30-40 წუთით.
- როცა ლაქი მოგძვრებათ, დარჩენილი მასა მოიშორეთ მეტალის ფუშერის მეშვეობით, რაც შეიძლება ფრთხილად, ვინაიდან არ დაიზიანოთ ფრჩხილის ზედაპირი.
- შილაკის მოცილების შემდგომ თითებზე არასწორი ზედაპირი გექნებათ. ამის გამოსწორება კი ქლიბის მეშვეობით შეგიძლიათ და კვლავ პირვანდელ სახეს დაუბრუნებთ მათ.
