“ვუსამძიმრებთ ზაურ ბულიას ოჯახს, ახლობლებს და სრულიად ზუგდიდს.
მან მთელი სიცოცხლე მიუძღვნა ქართულ ფეხბურთს, თავის ქალაქს და მომავალი თაობების აღზრდას.
სიხარულით და ღირსებით ემსახურებოდა სპორტს და ზუგდიდს.
მისი სახელი და შრომა დარჩება ფეხბურთის ისტორიას და პატივისცემით იქნება შემონახული ჩვენს მეხსიერებაში.
მშვიდობით, ბატონო ზაურ.
“- ინფორმაციას ოდიშის საფეხბურთო გუნდი ავრცელებს.
“ძალიან დამწყდა გული. კიდევ ერთმა ვეტერანმა ტორპედოელმა დაგვტოვა. 83 წლის ასაკში ზაურ ბულია გარდაიცვალა.
ზაური “ტორპედოში” 1962–1964 წლებში ირჯებოდა. ტანმორჩილი, მკვირცხლი, ტექნიკური ნახევარმცველი ქომაგთა განსაკუთრებული სიყვარულით სარგებლობდა.
მას თბილისის “დინამოში”, რიგის “დაუგავა რვზ”–ში, ვილნიუსის ‘სპარტაკში” და მშობლიური ზუგდიდის “ენგურში” აქვს ნათამაშევი.
წლების მანძილზე გახლდათ ზუგდიდის “დინამოს” მწვრთნელი, დიდი ხნის მანძილზე ემსახურებოდა ბავშვთა ფეხბურთს.
2022 წელს ზაურ ბულიას საპატიო ზუგდიდელის წოდება მიენიჭა”-წერენ სოციალურ ქსელში
