სტრატეგია აღმაშენებლის ლიდერმა გიორგი თევდორაძემ თანაპარტიელებთან ერთად ქუთაისის საერთაშორისო უნივერსტეტთან ბრიფინგი გამართა. მან პარალმეტის გადატანასა და მის საპირწონედ ადგილზე სასწავლებლის მშენებლობას შორის გაავლო პარალელი.
,,ქუთაისს ჭირდება განვითარების და პერსპექტივის რეალური შანსი რაც იყო საპარლამენტო დედაქალაქის სტატუსი. საერთაშორისო უნივერსიტეტი რასაც ვხედავთ, განვითარების ამ ტემპით სრულად 229 წლის შემდეგ ამოქმედდება. ამ ყველაფერს კი ჩემი კიარა ჩემი შვილიშვილის, უმცროსი გიორგი თევდორაძის თაობაც კი ვერ მოესწრება. მართალია გახარიამ ქუთაისს მარადისობა უწოდა, ქუთაისელები არა ვართ მარადიულები და გვინდა ჩვენი ქალაქის წინსვლა და წარმატება აქ და ახლა დაიწყოს.” – განაცხადა სტრატეგია აღმაშენებლის ლიდერმა გიორგი თევდორაძემ
ქუთაისის ტექნოლოგიური უნივერსიტეტის მშენებლობის დაწყებამდე გაიცა დაპირება რომ სასწავლებელი გათვლილი იქნებოდა 60 000 სტუდენტზე და საბოლოო ჯამში საუნივერსიტეტო სტატუსი ქუთაისის ეკონომიკის განვითარების წინაპირობა იქნებოდა. მშენებლობის დასრულებამდე უნივერსიტეტმა სახლწოდება შეიცვალა და ტექნოლოგიურის ნაცვლად საერთაშორისო გახდა. განაცხადეს რომ 2020-2021 სასწავლო წლისთვის 1000 სტუდენტს მიიღებდნენ. საბოლოო ჯამში კი 264 სტუდენტი დაიწყებს სწავლას.
