გუდაურის გზაზე ავტოავარიის შედეგად გარდაცვლილი კაცი სხვა ქვეყნის მოქალაქეა. 50 წლამდე კაცი, რომელსაც საჭესთან ჩაეძინა, როგორც ირკვევაა მანქანაში შვილთან ერთად იმყოფებოდა. მძღოლი ადგილზე გარდაიცვალა, ხოლო გარდაცვლილი კაცის ვაჟი მძიმე დაზიანებებით კლინიკაშია გადაყვანილი. მას ამ წუთებში, გადაუდებელი ოპერაცია უტარდება.
რაც შეეხება სამართალდამცველებს, მათ ჯანმრთელობის მდგომარეობას საფრთხე არ ემუქრება.
თვითმხილველები ამბობენ, რომ მანქანის გაჭრა გახდა საჭირო, რათა იქიდან გარდაცვლილი და მისი დაშავებული შვილი გადმოეყვანათ.
“რუსეთის მანქანა დაეჯახა პატრულის მანქანას. მძღოლი დაიღუპა. შვილი უკან მჯდარა, მამა ადგილზე დაღუპულა. მანქანა გაჭრილი იყო შუაშე, ისე გამოიყვანეს იქიდან”, – ამბობს თვითმხილველი.
შეგახსენებთ, რომ დღეს ანანურში, მოძრაობის საპირისპიროო ზოლში გადასვლის შემდეგ, მანქანა საპატრულო პოლიციის ეკიპაჟს დაეჯახა.
საქმეზე გამოძება 276-ე მუხლის მეორე და მეექვსე ნაწილით მიმდინარეობს.
