“მათ სურთ “ტორპედო” მრავალწლიანი იჯარით შეიძინონ” – ამის შესახებ ტორპედოს მწვრთნელმა კახა ჩხეტიანი გუშინ მატჩის დასრულების შემდეგ გერმნული მხარის ინტერესს შესახებ განაცხადა.
“გუშინ პირადად მე მქონდა მათთან შეხვედრა. “ტორპედოსადმი” გერმანელების ინტერესი ძალიან დიდია. მათ სურთ “ტორპედო” მრავალწლიანი იჯარით შეიძინონ თავისი აკადემიითა და სხვა ყველაფრით. ვფიქრობ, მოლაპარაკებების წარმატებით დასრულებას ხელი არაფერმა უნდა შეუშალოს. ყოველ შემთხვევაში, დღეს ასე ჩანს და ხვალ რა იქნება, ვნახოთ.” – ამბობს კახა ჩხეტიანი.
ამ საკითხზე შეხვედრა ქუთაისის მერიაში დღეს უნდა შედგეს. ვიცე მერის იუზა უგულავას თქმით, შეხვედრა საღამოს საათებში გაიმართება.
ქუთაისის საფეხბურთო კლუბი “ტორპედო” ყოფილი მფლობელის საქმიანობის შედეგად ფინანსურ კრიზისში აღმოჩნდა. საქმე სასამართლომდე მივიდა, თუმცა კლუბის კრიტიკული მდგომარეობიდან გამოყვანა მხოლოდ ახალი სპონსორის გამოჩენის შემთხვევაშია შესაძლებელი.
